Surah At-Tawba Ayahs #81 Translated in Khmer

អំពើកំណាញ់ស្វិត បានជំនួសពីក្រោយពួកគេ នូវភាពពុតត្បុតក្នុងចិត្តរបស់ ពួកគេ រហូតទាល់ថ្ងៃដែលពួកគេនឹងជួបលោក បណ្តាលមកពីពួកគេមិនបានគោរពចំពោះ អល់ឡោះ នូវអ្វីដែលពួកគេបានសន្យាទៅចំពោះលោក និងបណ្តាលមកពីពួកគេធ្លាប់បាន ភូតកុហក

តើពួកគេមិនទាន់ដឹងទេឬ អល់ឡោះពិតជាដឹងនូវអាថ៌កំបាំងរបស់ពួកគេ និង ការខ្សឹបខ្សៀវរបស់ពួកគេ ហើយអល់ឡោះ ពិតជាអ្នកដែលដឹងបំផុតចំពោះអាថ៌កំបាំង ទាំងឡាយ

គឺជាពួកដែលតិះដៀលចំពោះពួកដែលស្ម័គ្រចិត្ត ក្នុងចំណោមពួកដែល មានជំនឿ នៅក្នុងអំពើសប្បុរសទានទាំងឡាយ និងតិះដៀលពួកដែលឥតមានទានណា ក្រៅពីការតស៊ូរបស់ពួកគេនោះទេ រួចពួកទាំងនេះ បានចំអកដាក់ពួកគេទាំងនោះ អល់ឡោះ បានចំអកដាក់ពួកទាំងនោះវិញ ហើយសំរាប់ពួកទាំងនេះ គឺជាទណ្ឌកម្មដ៏ខ្លោចផ្សាបំផុត

ចូរអ្នកសុំអភ័យទោសឱ្យពួកគេ ឬកុំសុំអភ័យទោសឱ្យពួកគេ ហើយបើសិនអ្នកសុំអភ័យទោស ឱ្យពួកគេចិតសិបដង ក៏អល់ឡោះនៅតែមិនអភ័យទោសឱ្យពួកគេដែរ ទាំងនេះបណ្តាលមកពី ពួកគេមិនបានជឿលើអល់ឡោះ និងរ៉សូលរបស់លោក ហើយអល់ឡោះនឹងមិនមគ្គុទ្ទេស ចំពោះក្រុមមនុស្សខិលខូចឡើយ

ពួកដែលគេទុកឱ្យនៅពីក្រោយឥតទៅប្រយុទ្ធ បាន សប្បាយរីករាយនឹងការស្ថិតនៅរបស់ពួកគេពីក្រោយរ៉សូលអល់ឡោះ ហើយពួកគេបានស្អប់ ខ្ពើមពីករណីពួកគេនឹងប្រយុទ្ធដោយទ្រព្យធនរបស់ពួកគេ និងខ្លួនប្រាណផ្ទាល់របស់ពួកគេ ក្នុងផ្លូវអល់ឡោះ ពួកគេថា ចូរពួកអ្នកកុំចេញទៅប្រយុទ្ធក្នុងរដូវក្តៅនោះ ថាទៅ នរកអវិចីក្តៅ ខ្លាំងជាង បើពួកគេធ្លាប់បានយល់