Surah At-Tawba Ayahs #83 Translated in Khmer

គឺជាពួកដែលតិះដៀលចំពោះពួកដែលស្ម័គ្រចិត្ត ក្នុងចំណោមពួកដែល មានជំនឿ នៅក្នុងអំពើសប្បុរសទានទាំងឡាយ និងតិះដៀលពួកដែលឥតមានទានណា ក្រៅពីការតស៊ូរបស់ពួកគេនោះទេ រួចពួកទាំងនេះ បានចំអកដាក់ពួកគេទាំងនោះ អល់ឡោះ បានចំអកដាក់ពួកទាំងនោះវិញ ហើយសំរាប់ពួកទាំងនេះ គឺជាទណ្ឌកម្មដ៏ខ្លោចផ្សាបំផុត

ចូរអ្នកសុំអភ័យទោសឱ្យពួកគេ ឬកុំសុំអភ័យទោសឱ្យពួកគេ ហើយបើសិនអ្នកសុំអភ័យទោស ឱ្យពួកគេចិតសិបដង ក៏អល់ឡោះនៅតែមិនអភ័យទោសឱ្យពួកគេដែរ ទាំងនេះបណ្តាលមកពី ពួកគេមិនបានជឿលើអល់ឡោះ និងរ៉សូលរបស់លោក ហើយអល់ឡោះនឹងមិនមគ្គុទ្ទេស ចំពោះក្រុមមនុស្សខិលខូចឡើយ

ពួកដែលគេទុកឱ្យនៅពីក្រោយឥតទៅប្រយុទ្ធ បាន សប្បាយរីករាយនឹងការស្ថិតនៅរបស់ពួកគេពីក្រោយរ៉សូលអល់ឡោះ ហើយពួកគេបានស្អប់ ខ្ពើមពីករណីពួកគេនឹងប្រយុទ្ធដោយទ្រព្យធនរបស់ពួកគេ និងខ្លួនប្រាណផ្ទាល់របស់ពួកគេ ក្នុងផ្លូវអល់ឡោះ ពួកគេថា ចូរពួកអ្នកកុំចេញទៅប្រយុទ្ធក្នុងរដូវក្តៅនោះ ថាទៅ នរកអវិចីក្តៅ ខ្លាំងជាង បើពួកគេធ្លាប់បានយល់

ពួកគេត្រូវសើចបន្តិច ហើយពួកគេត្រូវយំឱ្យបានច្រើន គឺជារង្វាន់តាមតែអ្វីដែលពួកគេធ្លាប់បានប្រព្រឹត្តកន្លងមក

បើអល់ឡោះបាននាំអ្នកត្រឡប់ ទៅកាន់ក្រុមមួយនៃពួកពុតត្បុតនោះវិញ រួចមកពួកគេបានសុំអនុញ្ញាតដល់អ្នក ដើម្បីចេញ ដំណើរទៅប្រយុទ្ធ ខណៈនោះថាទៅ ពួកអ្នកនឹងមិនត្រូវចេញដំណើររួមជាមួយយើងទាល់តែ សោះ ហើយពួកអ្នកក៏មិនត្រូវប្រយុទ្ធរួមជាមួយយើង ចំពោះសត្រូវណាមួយសោះឡើយដែរ។ ជាការពិតណាស់ ពួកអ្នកបានពេញចិត្តនឹងការស្ថិតនៅតាំងពីគ្រាដំបូងម៉្លេះ ហេតុនេះ ចូរពួក អ្នកស្ថិតនៅតទៅទៀតចុះ រួមជាមួយនឹងពួកដែលនៅពីក្រោយ