Surah At-Tawba Ayahs #106 Translated in Khmer

ពួកផ្សេងទៀតទទួលស្គាល់បាបកម្មៗរបស់ពួកគេ ពួកគេក៏បានលាយច្របូកច្របល់អំពើ កុសល និងអំពើអកុសលផ្សេងទៀត។ រំពឹងថា អល់ឡោះនឹងអនុគ្រោះទៅលើពួកគេ។ អល់ឡោះពិតជាអភ័យទោសឱ្យ អាណិតអាសូរបំផុត

ចូរអ្នកយកធ្វើជាទានពីទ្រព្យ ធនទាំងឡាយរបស់ពួកគេ អ្នកនឹងជំរះសំអាតពួកគេ ហើយអ្នកនឹងបន្សុទ្ធពួកគេ ដោយ ទាននោះ រួចចូរអ្នកសុំបួងសួងឱ្យពួកគេ ការសុំបួងសួងរបស់អ្នក គឺពិតជាសមត្ថភាព មួយសំរាប់ពួកគេ។ហើយអល់ឡោះជាអ្នកឮ ជាអ្នកដឹងបំផុត

តើពួកគេមិនទាន់ដឹង ទេឬថា អល់ឡោះលោកពិតជានឹងទទួលយកវិប្បដិសារីអំពីអ្នកគោរពលោក ហើយលោក នឹងទទួលយកបណ្តាទានអល់ឡោះ លោកពិតជាអ្នកទទួលយកវិប្បដិសារី និងអាណិត អាសូរបំផុត

ថាទៅ ចូរពួកអ្នកប្រព្រឹត្តចុះ ពីព្រោះអល់ឡោះនឹងមើលឃើញអំពើ របស់ពួកអ្នក ដូចនេះដែររ៉សូលរបស់លោក ព្រមទាំងពួកដែលជំនឿ ហើយគេនឹងបញ្ជូន ពួកអ្នកទៅកាន់អ្នកដែលដឹងអាថ៌កំបាំង និងប្រការលាតត្រដាង រួចមកលោកនឹងប្រាប់ ពួកអ្នកវិញ តាមតែអ្វីដែលពួកអ្នកធ្លាប់បានប្រព្រឹត្ត

ហើយពួកផ្សេងទៀតត្រូវទុកឱ្យ រង់ចាំចំពោះក្តីសំរេចពីអល់ឡោះ ជួនកាលលោកនឹងធ្វើទណ្ឌកម្មពួកគេ ហើយជួនកាល លោកនឹងត្រាប្រណីទៅលើពួកគេ។ អល់ឡោះជាអ្នកដឹង ជាអ្នកគតិបណ្ឌិតបំផុត