Surah An-Nisa Ayahs #66 Translated in Khmer

តើដូចម្តេចទៅវិញកាលណាមានគ្រោះភ័យណាមួយបានត្រូវពួកគេដោយសារតែអ្វីដែលបាន ប្រព្រឹត្តដោយដៃពួកគេក្រោយមកពួកគេក៏បានមកជួបអ្នក ពួកគេស្បថនឹងអល់ឡោះថា ពួកយើងមិនចង់បានអ្វីក្រៅពីអំពើល្អនិងការត្រូវគ្នាឡើយ

ពួកទាំងនោះហើយ ដែលអល់ឡោះដឹងពីអ្វីដែលមានក្នុងចិត្តពួកគេហេតុនេះ ចូរអ្នកបែរចេញពីពួកគេ និងចូរអ្នកទូន្មានពួកគេ ហើយចូរអ្នកនិយាយទៅកាន់ពួកគេ នូវពាក្យសម្តីដែលមានប្រសិទ្ធភាពបំផុតនៅក្នុងខ្លួនរបស់ពួកគេ

រ៉សូលណាក៏ដោយ ដែលយើងបានបញ្ជូនគ្មានអ្វីក្រៅពីដើម្បីគេគោរពតាមដោយការអនុញ្ញាតពីអល់ឡោះនោះទេ។ ហើយក្នុងពេលដែលពួកគេបានសាងបាបកម្មចំពោះខ្លួនឯង បើសិនពួកគេបានមកជួបអ្នក រួចពួកគេបានសុំការប្រោសប្រណីអំពីអល់ឡោះហើយរ៉សូលក៏បានសុំការប្រោសប្រណីពួកគេដែរ ពួកគេពិតជាបានប្រទះឃើញថាអល់ឡោះជាអ្នកដែលទទួលការសោកស្តាយមេត្តាករុណាបំផុត

ទេ! ក្នុងនាមម្ចាស់អ្នកមិន(ទាន់កំណត់ថា) ពួកគេជឿទេទាល់តែពួកគេទទួលយកអ្នកជាចៅក្រមនៅក្នុងរឿងដែលបានទាស់ទែងរវាងពួកគេ ក្រោយមកពួកគេប្រទះ ឃើញថាក្នុងខ្លួនរបស់ពួកគេ គ្មានការចង្អៀតចង្អល់ណាមួយ ដោយសារតែរឿងដែលអ្នកបានសម្រេច ហើយពួកគេបានទទួលយកដោយគោរព

ហើយបើយើងតម្រូវលើពួកគេថា ពួកអ្នកត្រូវសម្លាប់ខ្លួនឯងឬត្រូវ ចេញពីផ្ទះពួកអ្នកហើយពួកគេមិនធ្វើតាមទេមានតែពួកគេភាគតិចប៉ុណ្ណោះ។ ហើយបើពួកគេបានធ្វើតាមអ្វីដែលគេទូន្មានពួកគេនោះវិញ ពិតជាល្អសំរាប់ពួកគេ ហើយរឹងមាំជាងក្នុងការពង្រឹង(ជំនឿ)