Surah An-Nisa Ayahs #23 Translated in Khmer

ឱពួកដែលបានជឿ! មិនអនុញ្ញាតឱ្យពួកអ្នកយកមរតកពីពួកនារីដោយការបង្ខំ។ ហើយចូរពួកអ្នកកុំរារាំងពួកនាង ដើម្បីពួកអ្នកទាញនូវចំណែកខ្លះនៃអ្វីដែលពួកអ្នកបានប្រគល់ ជូនឱ្យទៅពួកនាងរួចហើយនោះ លើកលែងតែក្នុងករណីដែលពួកនាងបានប្រព្រឹត្តអំពើហ្ស៊ីណាដ៏ជាក់ស្តែង។ ហើយចូរពួកអ្នករួមរស់ជាមួយនឹងពួកនាងដោយសមរម្យ។ ប្រសិនបើពួកអ្នកស្អប់ពួកនាង ជួនកាលករណីដែលពួកអ្នកបានស្អប់អ្វីមួយ អល់ឡោះធ្វើឱ្យក្នុងនោះទៅជាល្អលើសលប់វិញ

ហើយប្រសិនបើពួកអ្នកចង់ប្តូរគូ(ថ្មី)ជំនួសគូ(ចាស់) ហើយពួកអ្នកបានប្រគល់ជូនទៅម្នាក់ៗនៃពួកនាងនូវទ្រព្យធនជាច្រើនរួចហើយ ចូរពួកអ្នកកុំយកមកវិញសូម្បីតែបន្តិចក្តី។ តើពួកអ្នកយកទ្រព្យនោះដោយបង្កាច់បង្ខូចនិងបាបកម្មដ៏ជាក់ស្តែងឬ?

តើហេតុម្តេចពួកអ្នកយកទ្រព្យនោះមកវិញ? ប្រសិនបើពួកអ្នកបានស្រឡាញ់ថ្នាក់ថ្នមគ្នា ហើយពួកនាងក៏បានទទួលយកអំពីពួកអ្នកនូវកិច្ចព្រមព្រៀងមួយដ៏រឹងមាំ

ចូរពួកអ្នកកុំរៀបការជាមួយនឹងនារីដែលបិតាពួកអ្នកបានរៀបការហើយ លើកលែងតែអ្វីដែលបានកន្លងមក។ ការ ពិតវាជាអំពើគម្រក់ស្អប់ខ្ពើម និងជាផ្លូវមួយដ៏អាក្រក់

គេបានហាមលើពួកអ្នក(រៀបការ) ជាមួយនឹងមាតាពួកអ្នកបុត្រី ពួកអ្នកបងប្អូនស្រីពួកអ្នក ម្តាយមីង ឬម្តាយធំខាងបិតាពួក អ្នកម្តាយមីង ឬម្តាយធំខាងមាតាពួកអ្នក កូនស្រីនៃបងប្អូនប្រុស កូនស្រីនៃបងប្អូនស្រីម៉ែដោះពួកអ្នក ដែលបានបំបៅពួកអ្នក បងប្អូនស្រីធម៌ពួកអ្នកដោយការបៅរួមគ្នា មាតាភរិយារបស់ពួកអ្នក និងបុត្រីភរិយារបស់ពួកអ្នក ដែលនៅក្នុងបន្ទុករបស់ពួកអ្នក ដែលពួកអ្នកបានរួមសង្វាសនឹងភរិយានោះរួចហើយនោះ ប្រសិនបើពួកអ្នកមិនទាន់សេពមេថុននឹងភរិយានោះទេ គឺគ្មានទោសពៃរ៍ទេលើពួកអ្នក ភរិយាបុត្រា របស់ពួកអ្នកដែលមកពីអង្គជាតិរបស់ពួកអ្នក និងករណីដែលពួកអ្នកសរុបរវាងនារីពីរនាក់ឱ្យ ជាបងប្អូនជាមួយនឹងគ្នា លើកលែងតែអ្វីដែលបានកន្លងមក។ ជាការពិតណាស់អល់ឡោះជាអ្នកដែលប្រោសប្រណី​ ជាអ្នកដែលមេត្តាករុណាបំផុត