Surah An-Nisa Ayahs #25 Translated in Khmer

តើហេតុម្តេចពួកអ្នកយកទ្រព្យនោះមកវិញ? ប្រសិនបើពួកអ្នកបានស្រឡាញ់ថ្នាក់ថ្នមគ្នា ហើយពួកនាងក៏បានទទួលយកអំពីពួកអ្នកនូវកិច្ចព្រមព្រៀងមួយដ៏រឹងមាំ

ចូរពួកអ្នកកុំរៀបការជាមួយនឹងនារីដែលបិតាពួកអ្នកបានរៀបការហើយ លើកលែងតែអ្វីដែលបានកន្លងមក។ ការ ពិតវាជាអំពើគម្រក់ស្អប់ខ្ពើម និងជាផ្លូវមួយដ៏អាក្រក់

គេបានហាមលើពួកអ្នក(រៀបការ) ជាមួយនឹងមាតាពួកអ្នកបុត្រី ពួកអ្នកបងប្អូនស្រីពួកអ្នក ម្តាយមីង ឬម្តាយធំខាងបិតាពួក អ្នកម្តាយមីង ឬម្តាយធំខាងមាតាពួកអ្នក កូនស្រីនៃបងប្អូនប្រុស កូនស្រីនៃបងប្អូនស្រីម៉ែដោះពួកអ្នក ដែលបានបំបៅពួកអ្នក បងប្អូនស្រីធម៌ពួកអ្នកដោយការបៅរួមគ្នា មាតាភរិយារបស់ពួកអ្នក និងបុត្រីភរិយារបស់ពួកអ្នក ដែលនៅក្នុងបន្ទុករបស់ពួកអ្នក ដែលពួកអ្នកបានរួមសង្វាសនឹងភរិយានោះរួចហើយនោះ ប្រសិនបើពួកអ្នកមិនទាន់សេពមេថុននឹងភរិយានោះទេ គឺគ្មានទោសពៃរ៍ទេលើពួកអ្នក ភរិយាបុត្រា របស់ពួកអ្នកដែលមកពីអង្គជាតិរបស់ពួកអ្នក និងករណីដែលពួកអ្នកសរុបរវាងនារីពីរនាក់ឱ្យ ជាបងប្អូនជាមួយនឹងគ្នា លើកលែងតែអ្វីដែលបានកន្លងមក។ ជាការពិតណាស់អល់ឡោះជាអ្នកដែលប្រោសប្រណី​ ជាអ្នកដែលមេត្តាករុណាបំផុត

(ត្រូវបានហាមដែរ)នារីៗភរិយាគេលើកលែងទាសីដែលនៅក្នុងកណ្តាប់ដៃរបស់ពួកអ្នក។ គឺជាការបង្គាប់របស់អល់ឡោះទៅលើពួកអ្នក។ ត្រូវបានអនុញ្ញាតជូនពួកអ្នកនូវនារីក្រៅពីនោះ ដែលពួកអ្នកស្វែងរក (ភរិយា) ដោយទ្រព្យសម្បត្តិរបស់ពួកអ្នកជាបុរសស្អាតស្អំ ពុំមែនជាបុរសផិតក្បត់ទេ។ អ្វីដែលពួកអ្នកមានសេចក្តីសុខពីពួកនាងចូរពួកអ្នកប្រគល់ជូនពួកនាង នូវរង្វាន់របស់ពួកនាង វាជាករណីយកិច្ចមួយ។ ហើយគ្មានទោសពៃរ៍ទេលើពួកអ្នកនៅក្នុងករណីដែលពួកអ្នកបានចុះសម្រុងគ្នា បន្ទាប់ពីការតម្រូវ(ខាន់ស្លា)រួចហើយ។ អល់ឡោះពិតជាអ្នកដឹងបំផុតជាអ្នកដែលមហាគតិបណ្ឌិត

ក្នុងចំណោមពួកអ្នក ជនដែលមិនទាន់មានលទ្ធភាពគ្រប់គ្រាន់ទេដើម្បីរៀបការជាមួយនារីស្អាតស្អំដែលមានជំនឿ គឺជាមួយទាសីដែលនៅក្នុងកណ្តាប់ដៃពួកអ្នកដែលនាងមានជំនឿ។ អល់ឡោះដឹងណាស់អំពីជំនឿពួកអ្នក។ ពួកអ្នកមានកំណើតពីគ្នាទៅវិញទៅមក។ ដូច្នេះចូរពួកអ្នករៀបការជាមួយពួកនាងដោយការយល់ព្រមពីគ្រួសារពួកនាង ហើយចូរពួកអ្នកប្រគល់ជូនពួកនាង នូវខាន់ស្លាពួកនាងដោយសមរម្យ ជានារីស្អាតស្អំពុំមែនជានារីផិតក្បត់ទេ ហើយក៏ពុំមែនជានារីដែលទទួលយកគេធ្វើជាសាហាយស្មន់ដែរ។ បើនារីខ្ញុំគេត្រូវបានរៀបការហើយ បន្ទាប់មកនាងបានប្រព្រឹត្តអំពើផិតក្បត់នាងត្រូវពាក់កណ្តាលនៃទណ្ឌកម្មលើនារីដែលមានប្តីរួច (មិនមែនជាទាសី)។ រឿងនេះគឺសម្រាប់ជនណាដែលខ្លាចបាបក្នុងចំណោមពួកអ្នក។ ករណីពួកអ្នកអត់ធ្មត់ គឺល្អសម្រាប់ពួកអ្នក។ ហើយអល់ឡោះជាអ្នកប្រោសប្រណីមេត្តាករុណាបំផុត