Surah An-Naml Ayahs #53 Translated in Khmer

ពួកគេ បាននិយាយទៅកាន់គ្នាគេថា ចូរពួកអ្នកនាំគ្នាស្បថស្បែនឹងអល់ឡោះ។ យើងដាច់ខាតត្រូវ តែប្រហារទាំងយប់ ចំពោះសាឡេះ ព្រមទាំងគ្រួសាររបស់គេ ក្រោយមក ដាច់ខាតយើង ត្រូវតែនិយាយទៅកាន់សម្ព័ន្ធមិត្តរបស់គេថា ពួកយើងឥតមានវត្តមាននៅកន្លែងឃាតកម្ម គ្រួសាររបស់គេនោះទេ ហើយពួកយើងប្រាកដជាពួកអ្នកដែលនិយាយពិត

ពួកគេបាន ធ្វើកលល្បិច នូវការបោកបញ្ឆោតមួយ ឯយើងក៏បានធ្វើឧបាយតបតវិញ នូវយុទ្ធកោសល្យ មួយដែរ ក៏ប៉ុន្តែពួកគេនៅតែមិនទាន់ដឹងខ្លួនទៀត

ដូចនេះ ចូរអ្នកពិនិត្យមើលទៅថា លទ្ធផលនៃការបោកបញ្ឆោតរបស់ពួកគេ ត្រូវបានក្លាយទៅជាយ៉ាងណាដែរ? យើងពិតជា បានធ្វើឱ្យវិនាសហិនហោចដល់ពួកគេ ព្រមទាំងក្រុមមនុស្សរបស់ពួកគេទាំងអស់គ្នា

នោះគឺជាគេហដ្ឋានទាំងឡាយរបស់ពួកគេស្រុតរលំ ក៏ព្រោះតែពួកគេបានសាងបាបកម្ម។ នៅក្នុងព្រឹត្តិការណ៍ទាំងនោះ គឺពិតជាភស្តុតាងមួយសម្រាប់ក្រុមមនុស្សដែលបានយល់ដឹង

ហើយយើងក៏បានសង្គ្រោះពួកដែលមានជំនឿ ដែលពួកគេកំពុងតែគោរពកោតខ្លាច