Surah An-Nahl Ayahs #74 Translated in Khmer

ហើយអល់ឡោះបានបង្កើតពួកអ្នក ក្រោយមក លោកនឹងយកជីវិតពួកអ្នក។ ហើយក្នុង ចំណោមពួកអ្នក មានអ្នកដែលត្រូវគេបន្តឱ្យទៅដល់អាយុចាស់ជរា ដើម្បីគេមិនដឹងអ្វីទាំង អស់ បន្ទាប់ពីការចេះដឹងរួច។ អល់ឡោះគឺពិតជាអ្នកដឹងបំផុតសព្វានុភាពបំផុត

ហើយ អល់ឡោះ លោកបានផ្តល់ឱ្យចំពោះភាគខ្លះ នៃពួកអ្នកលើសខ្វះគ្នាក្នុងរឿងភាក្សាហារ។ ពួក ដែលត្រូវគេបានផ្តល់លើសគេនោះ មិនចង់ចែកភាក្សាហាររបស់គេទៅដល់ពួកដែលនៅ ក្នុងកណ្តាប់ដៃរបស់ពួកគេទេ។ ដូច្នេះ ពួកគេក៏ជាពួកស្មើភាពគ្នាដែរ។ តើពួកគេបដិសេធ ចំពោះការុណភាពរបស់អល់ឡោះឬ?

ហើយពីខ្លួនពួកអ្នកផ្ទាល់ អល់ឡោះលោកបាន ចាត់ឱ្យពួកអ្នកមានគូស្រករ ហើយពីគូស្រកររបស់ពួកអ្នក លោកបានចាត់ឱ្យពួកអ្នកមានបុត្រ និងចៅ។ ហើយលោកបានផ្តល់អាហារទៅពួកអ្នកពីចំណីដែលល្អៗ។ ដូចនេះ តើពួកគេ មានជំនឿនឹងការខុសឆ្គង ហើយពួកគេរមិលគុណនឹងការុណភាពរបស់អល់ឡោះឬ?

ហើយពួកគេគោរពប្រណិប័តន៍ក្រៅពីអល់ឡោះ នូវវត្ថុដែលមិនអាចកាន់កាប់ សម្រាប់ពួកគេ នូវអាហារណាមួយពីភពមេឃទាំងឡាយ និងពីភពដីបន្តិចសោះ ឡើយ ហើយពួកគេក៏គ្មានលទ្ធភាពដែរ

ដូច្នេះ ពួកអ្នកមិនបាច់ប្រឌិតឡើយ ចំពោះអល់ឡោះនូវការប្រដូចទាំងឡាយ។ អល់ឡោះ លោកពិតជាដឹង ហើយពួក អ្នកមិនដឹងសោះឡើយ