Surah Al-Qasas Ayahs #23 Translated in Khmer

នៅពេលដែលគាត់មានបំណងនឹងស្ទុះទៅទះជនដែលជាសត្រូវ រួមចំពោះអ្នកទាំងពីរនោះ ជននោះថា នែ៎មូសា តើអ្នកកំពុងតែមានបំណងនឹងសម្លាប់ យើង ដូចដែលអ្នកបានសម្លាប់ជីវិតម្នាក់ពីម្សិលម៉ិញនោះឬ? អ្នកកំពុងគ្មានបំណងអ្វីក្រៅ ពីចង់ឱ្យខ្លួនអ្នកក្លាយជាក្សត្រកាន់អំណាចផ្តាច់ការនៅក្នុងទឹកដីឡើយ ហើយអ្នកមិនចង់ឱ្យ ខ្លួនអ្នកក្លាយទៅក្នុងពពួកកែលំអឡើងវិញដែរ

មានបុរសម្នាក់បានមកពីចុងទីក្រុងទាំង រត់ បាននិយាយថា នែ៎មូសា ការពិតពួកអ្នកមុខអ្នកការកំពុងតែពិគ្រោះគ្នាពីបញ្ហាអ្នក ដើម្បី ពួកគេនឹងសម្លាប់អ្នក ហេតុនេះ ចូរអ្នកគេចចេញទៅ។ សម្រាប់អ្នក យើងពិតជាក្នុងចំណោម ពួកអ្នកឱ្យយោបល់ប៉ុណ្ណោះ

រួចមក មូសាបានចេញពីទីក្រុងទាំងភ័យខ្លាច គេនឹងឃ្លាំមើល គេបានបួងសួងថា ឱម្ចាស់ខ្ញុំ! សូមលោកសង្គ្រោះខ្ញុំពីពពួកមនុស្សអយុត្តិធម៌នេះផង

ហើយនៅពេលដែលគេបានតម្រង់មុខឆ្ពោះទៅម៉ាទយ៉ាន គេថា រំពឹងថាម្ចាស់ របស់ខ្ញុំនឹងបង្ហាញផ្លូវត្រង់ដល់ខ្ញុំ

ហើយនៅខណៈដែលគេបានទៅដល់ អណ្តូងទឹករបស់ម៉ាទយ៉ាន គេបានប្រទះឃើញនៅឯទឹកនោះ មួយក្រុមនៃពួក មនុស្សកំពុងបំផឹកសត្វពាហនៈ ហើយក្រៅពីពួកគេទាំងនោះ គេបានប្រទះ នារីពីរនាក់កំពុងចាប់បង្ខាំងសត្វ គេបានសួរថា តើអ្នកទាំងពីរមានភារៈអ្វី? នារីទាំងពីរថា យើងមិនអាចបំផឹក(សត្វ)បានទេ លុះត្រាតែពួកគង្វាលចេញ ទៅសិន រីឯបិតារបស់យើងគឺចាស់ជរាខ្លាំង