Surah Al-Kahf Ayahs #49 Translated in Khmer

ហើយចូរពួកអ្នកផ្តល់ឱ្យពួកគេទាំង ឡាយនូវឧទាហរណ៍ជីវិតលោកិយ ប្រៀបដូចទឹក។ យើងបានបង្អុរទឹកចុះពីមេឃ រួចមក ដោយសារទឹកដំណាំដាំដុះរបស់ដីបានលាយឡំគ្នា រួចក៏បានក្លាយទៅជាស្មៅក្រៀមដែល ខ្យល់ធ្វើឱ្យវាខ្ចាត់ខ្ចាយអស់។ ហើយអល់ឡោះជាអ្នកមានលទ្ធភាពនៅលើវត្ថុទាំងអស់

ទ្រព្យសម្បត្តិ និងកូនចៅជាសោភ័ណភាពជីវិតលោកិយ ហើយអំពើដែលឋិតថេរ ដែលជា កុសល គឺល្អប្រពៃនៅឯម្ចាស់អ្នកខាងការទូទាត់ និងល្អប្រពៃខាងក្តីសង្ឃឹម

ហើយនា ថ្ងៃដែលយើងនឹងធ្វើឱ្យភ្នំរសាត់ ហើយអ្នកនឹងឃើញដីលេចឡើងរាបស្មើ ហើយយើងបាន កេណ្ឌពួកគេ រួចមកក្នុងចំណោមពួកគេ យើងនឹងមិនបោះបង់ចោលម្នាក់ណាទេ

ហើយពួកគេត្រូវគេបង្ហាញទៅលើម្ចាស់អ្នកជាជួរៗ។ ជាការពិតណាស់ ពួកអ្នកបានមក ដល់យើង ដូចដែលយើងបានបង្កើតពួកអ្នកគ្រាដំបូង។ ប៉ុន្តែពួកអ្នកបានអះអាងថា យើង នឹងមិនចាត់ឱ្យពួកអ្នកមានពេលណាត់ណាមួយសោះឡើយ

ហើយគេបានដាក់បញ្ជី ការ រួចអ្នកនឹងឃើញពួកឧក្រិដ្ឋជនមានកង្វល់ នៃអ្វីដែលមានក្នុងបញ្ជីនោះ ហើយពួកគេ ថា ឱ អនិច្ចាពួកយើង! ចុះហេតុដូចម្តេចបានជាបញ្ជីការនេះដូច្នេះ? គេមិនបោះបង់ចោល ទេ សូម្បីតូចក៏ដោយ ធំក៏ដោយ មានតែគេបានគិតគូរវាទាំងអស់ ហើយពួកគេបានប្រទះ ឃើញនៅពីមុខ នូវអ្វីដែលពួកគេបានប្រព្រឹត្ត ហើយម្ចាស់អ្នកមិនសាងអយុត្តិធម៌ចំពោះ ម្នាក់ណាឡើយ