Surah Al-Baqara Ayahs #256 Translated in Khmer

ទាំងនោះហើយ បណ្តាអាយ៉ាត់របស់អល់ឡោះ ដែលយើងបានសូត្របណ្តាអាយ៉ាត់នោះទៅលើអ្នកដោយសច្ចភាពហើយអ្នកពិតជាក្នុងចំណោមពួកដែលត្រួវបានគេជ្រើសតាំងជារ៉សូល

បណ្តារ៉សូលទាំងនោះយើងបានប្រទានឱ្យលើសខ្វះជាងគ្នា ក្នុងចំណោមនោះមានអ្នកខ្លះត្រូវបានអល់ឡោះនិយាយផ្ទាល់និងបានលើកឋានៈខ្ពស់ជាងគ្នា។ យើងបានប្រទានឱ្យអ៊ីសាបុត្រាម៉ារីយុំនូវវត្ថុតាងជាច្រើន ហើយយើងបានពង្រឹង អ៊ីសាដោយបរិសុទ្ធញាណ។ បើអល់ឡោះមានសោមនស្សប្រាកដជាបណ្តាអ្នក ជំនាន់ក្រោយរ៉សូលៗនោះ មិនបានកាប់សម្លាប់គ្នាទេ បន្ទាប់ពីភស្តុតាងៗបានទៅដល់ពួកគេហើយនោះ ក៏ប៉ុន្តែពួកគេបានខ្វែងគំនិតគ្នាក្នុងចំណោមពួកគេ មានអ្នកខ្លះបានជឿ ហើយក្នុងចំណោមពួកគេមានអ្នកខ្លះមិនបានជឿ។បើសិនអល់ឡោះប្រាថ្នា ពួកគេឥតមានកាប់សម្លាប់គ្នាបានទេក៏ប៉ុន្តែអល់ឡោះធ្វើនូវអ្វីដែលលោកបានប្រាថ្នា

ឱពួកអ្នកដែលបានជឿចូរពួកអ្នកបរិច្ចាគ ចំណែកខ្លះដែលយើងបានប្រទានឱ្យពួកអ្នកមុននឹងដល់ថ្ងៃដែលគ្មានទេការលក់ ដូរគ្មានទេមិត្តភក្តិ ហើយក៏គ្មានដែរអន្តរាគមន៍។ ពួកដែលគ្មានជំនឿជាពួក បំពារបំពាន

អល់ឡោះគ្មានម្ចាស់ណាក្រៅពីលោកទេ ដែលរស់ដែល អមតៈឥតមានងងុយ និងឥតមានសម្រាន្តទេ។ កម្មសិទ្ធិលោកគឺអ្វីដែលមាននៅលើមេឃនិងអ្វីដែលមាននៅលើដី។ តើជនណាដែលអាចធ្វើអន្តរាគមន៍អំពីលោកបើសិនគ្មានការអនុញ្ញាតពីលោកនោះ។ លោកដឹងនូវអ្វីដែលនៅចំពោះមុខពួកគេនិងអ្វីដែលនៅពីក្រោយខ្នងរបស់ពួកគេ។ ហើយពួកគេមិន អាចជ្រួតជ្រាបបន្តិចសោះឡើយពីការដឹងរបស់លោកក្រៅពីអ្វីដែលលោកមានសោមនស្ស។ គួរស៊ីរបស់លោកទូលាយជាងមេឃនិងដី។ ការថែរក្សាមេឃនិងដីពុំមែនធ្ងន់ធ្ងរទេចំពោះលោក។ លោកដ៏មហាខ្ពង់ខ្ពស់និងធំក្រៃលែងបំផុត

គ្មានទេការបង្ខិតបង្ខំនៅក្នុងសាសនា។ សេចក្តីត្រូវបានលេចធ្លោច្បាស់ជាងសេចក្តីខុស។ ជនណាហើយដែលមិនបានជឿនឹងតោហ្គូទហើយជឿនឹងអល់ឡោះ ជននោះប្រាកដជាបានប្រកាន់ខ្ជាប់នឹងខ្សែដ៏រឹងមាំ ដោយខ្សែនោះមិនងាយដាច់ឡើយ។ ហើយអល់ឡោះជាអ្នកដែលឮជាអ្នកដែលដឹងបំផុត