Surah Al-Baqara Ayahs #259 Translated in Khmer

អល់ឡោះគ្មានម្ចាស់ណាក្រៅពីលោកទេ ដែលរស់ដែល អមតៈឥតមានងងុយ និងឥតមានសម្រាន្តទេ។ កម្មសិទ្ធិលោកគឺអ្វីដែលមាននៅលើមេឃនិងអ្វីដែលមាននៅលើដី។ តើជនណាដែលអាចធ្វើអន្តរាគមន៍អំពីលោកបើសិនគ្មានការអនុញ្ញាតពីលោកនោះ។ លោកដឹងនូវអ្វីដែលនៅចំពោះមុខពួកគេនិងអ្វីដែលនៅពីក្រោយខ្នងរបស់ពួកគេ។ ហើយពួកគេមិន អាចជ្រួតជ្រាបបន្តិចសោះឡើយពីការដឹងរបស់លោកក្រៅពីអ្វីដែលលោកមានសោមនស្ស។ គួរស៊ីរបស់លោកទូលាយជាងមេឃនិងដី។ ការថែរក្សាមេឃនិងដីពុំមែនធ្ងន់ធ្ងរទេចំពោះលោក។ លោកដ៏មហាខ្ពង់ខ្ពស់និងធំក្រៃលែងបំផុត

គ្មានទេការបង្ខិតបង្ខំនៅក្នុងសាសនា។ សេចក្តីត្រូវបានលេចធ្លោច្បាស់ជាងសេចក្តីខុស។ ជនណាហើយដែលមិនបានជឿនឹងតោហ្គូទហើយជឿនឹងអល់ឡោះ ជននោះប្រាកដជាបានប្រកាន់ខ្ជាប់នឹងខ្សែដ៏រឹងមាំ ដោយខ្សែនោះមិនងាយដាច់ឡើយ។ ហើយអល់ឡោះជាអ្នកដែលឮជាអ្នកដែលដឹងបំផុត

អល់ឡោះជាអ្នកការពារពួកដែលបានជឿ លោកនឹងបញ្ចោញពួកគេពីភាពងងឹតទៅកាន់ភាពភ្លឺថ្លា។ ពួកដែលគ្មានជំនឿអ្នកដែលការពាររបស់ពួកគេគឺតោហ្គូទ ដែលនឹងបញ្ចោញពួកគេពីភាពភ្លឺថ្លាទៅកាន់ភាពងងឹត។ ពួកទាំងនេះគឺពួកនរក។ ពួកគេស្ថិតនៅជាអមតៈក្នុងនរក

តើអ្នកមិនបានពិចារណាទេឬ ចំពោះអ្នកដែលបានជជែកនឹងអ៊ីព្រហ៊ីមនៅក្នុងរឿងម្ចាស់របស់គេ ដែលអល់ឡោះបានប្រទានអំណាចឱ្យគេនោះ។ គឺនៅពេលដែលអ៊ីព្រហ៊ីមបាននិយាយថា ម្ចាស់របស់យើងដែលធ្វើឱ្យរស់ និងធ្វើឱ្យស្លាប់។ ជននោះថាយើងក៏ធ្វើឱ្យរស់ និងធ្វើឱ្យស្លាប់ដែរ។ អ៊ីព្រហ៊ីមនិយាយថាអល់ឡោះនាំសុរិយាមកពីទិសខាងកើត ហេតុនេះចូរអ្នកនាំសុរិយាមកពីទិស ខាងលិច។ ជនដែលមិនបានជឿនឹងត្រូវបានទាល់ច្រក។ ហើយអល់ឡោះមិនមគ្គុទ្ទេសចំពោះក្រុមមនុស្សបំពានឡើយ

ឬប្រៀបដូចជនដែលបានដើរកាត់ភូមិមួយ ដែលមានផ្ទះសំបែងដួលរលំអស់។ ជននោះថាតើអល់ឡោះផ្តល់ជិវិតភូមិនេះម្តេចនឹងកើតបន្ទាប់ពីការស្លាប់របស់ភូមិនេះ? អល់ឡោះបានធ្វើឱ្យជននោះស្លាប់មួយរយឆ្នាំ បន្ទាប់មកលោកបានប្រោស ជននោះវិញ។ លោកថា តើអ្នកបានស្នាក់នៅរយៈពេលប៉ុន្មាន? ជននោះថា យើងបានស្នាក់នៅរយៈពេលមួយថ្ងៃ ឬកន្លះថ្ងៃប៉ុណ្ណោះ។ លោកថាពុំមែនទេ! ការពិតអ្នកស្នាក់នៅមួយរយឆ្នាំ។ ចូរអ្នកពិនិត្យមើលទៅចំណីអ្នក និង ភេសជ្ជៈអ្នកឥតមានប្រែប្រួលទេ ហើយចូរអ្នកពិនិត្យទៅសត្វលារបស់អ្នក ហើយដើម្បីយើងនឹងចាត់ទុកអ្នកជាភស្តុតាងមួយសំរាប់មនុស្សទាំងឡាយ។ហើយចូរអ្នកពិនិត្យមើលទៅឆ្អឹងតើដូចម្តេចយើងនឹងរៀបចំឆ្អឹងនោះរួចមកយើងយកសាច់រុំឆ្អឹងនោះយ៉ា់ងដូចម្តេចខ្លះ?។ នៅពេលដែលបានលេចធ្លោយ៉ាងជាក់ច្បាស់ចំពោះជននោះហើយជននោះក៏និយាយថាយើងដឹងថាជាការពិតណាស់អល់ឡោះជាអ្នកមានមហិទ្ធិប្ញទ្ធិបំផុតលើអ្វីៗទាំងអស់