Surah Al-Baqara Ayahs #236 Translated in Khmer

កាលណាពួកអ្នកបានលែងលះភរិយា រួចមកពួកនាងបានដល់អាជ្ញាយុកាលរបស់ពួកនាងហើយពេលនោះពួក អ្នកកុំរារាំងពួកនាងមិនឱ្យនាងរៀបការនឹងស្វាមីរបស់ពួកនាងកាលណាពួកគេព្រម ព្រៀងគ្នារវាងពួកគេដោយសមរម្យ។ នោះហើយគេដាស់តឿនរឿងនេះចំពោះជនណាដែលជឿនឹងអល់ឡោះជឿនឹងថ្ងៃអវសានក្នុងចំណោមពួកអ្នក។ នោះហើយជាតម្លាភាព និងស្អាតស្អំបំផុតសម្រាប់ពួកអ្នក។ ហើយអល់ឡោះដឹងតែពួកអ្នកមិនដឹង

ពួកមាតាបំបៅបុត្រពួកនាងពីរខួបពេញ សម្រាប់អ្នកដែលមានបំណងចង់ឱ្យបង្គ្រប់ការបំបៅ។ លើករណីនេះបិតាត្រូវផ្តល់អាហារ និងសំលៀកបំពាក់ដល់ពួកមាតា ដោយសមរម្យ។ គេមិនតំរូវចំពោះរូបណាម្នាក់លើសពីលទ្ធភាពខ្លួននោះទេ។ គេមិនត្រូវធ្វើទុក្ខមាតាដោយសារបុត្ររបស់នាង ហើយក៏មិនត្រូវធ្វើទុក្ខបិតាដោយសារតែបុត្ររបស់គេដែរ ហើយលើអ្នកទទួលមរតក ក៏ដូចនោះដែរ។ ប្រសិនបើគេទាំងពីរមានបំណងចង់ផ្តាច់ដោះដោយការព្រមព្រៀងនិងពិភាក្សាគ្នាពីគេទាំងពីរ គឺគ្មានទោសពៃរ៍ទេទៅលើគេទាំងពីរ។ ហើយប្រសិនបើពួកអ្នកមានបំណងចង់រកគេបំបៅ បុត្រពួកអ្នកក៏គ្មានទោសពៃរ៍លើពួកអ្នកដែរកាលណាពួកអ្នកបានប្រគល់នូវអ្វីដែល ពួកអ្នកត្រូវផ្តល់ជូនដោយសមរម្យ។ ហើយចូរពួកអ្នកគោរពកោតខ្លាចអល់ឡោះ។ ចូរពួកអ្នកដឹងថា អល់ឡោះពិតជាអ្នកឃើញបំផុតចំពោះអ្វីដែលពួកអ្នកបានប្រព្រឹត្ត

ហើយពួកដែលស្លាប់ក្នុងចំណោមពួកអ្នក ដោយបន្សល់ទុ់កនូវភរិយាពួកនាងត្រួវរង់ចាំដោយខ្លួនឯងរយៈពេលបួនខែនិងដប់ថ្ងៃ។ កាលណាពួកនាងបាន ចូលដល់ពេលកំណត់របស់ពួកនាងហើយ ពេលនោះ គ្មានទោសពៃរ៍ទេលើពួកអ្នកក្នុងអ្វីដែលពួកនាងបានធ្វើលើខ្លួនពួកនាងផ្ទាល់ដោយសមរម្យ។ ហើយអល់ឡោះជាអ្នកដឹងជ្រាបបំផុតនូវអ្វីដែលពួកអ្នកបានប្រព្រឹត្ត

គ្មានទោសពៃរ៍ទេលើពួកអ្នកក្នុងរឿងដែលពួកអ្នកបានបង្ហាញនៃការដណ្តឹងនារី ឬពួកអ្នកបានលាក់នៅក្នុងខ្លួនឯង។ អល់ឡោះបានដឹងថាពួកអ្នកពិតជានឹងពោលទៅកាន់ពួកនាង ក៏ប៉ុន្តែចូរពួកអ្នកកុំសន្យានឹងពួកនាងដោយស្ងាត់ៗ លើកលែងតែករណីដែលពួកអ្នកនិយាយនូវពាក្យសំដីមួយដោយសមរម្យ។ហើយចូរពួកអ្នកកុំតាំងចិត្តចុះលក្ខខណ្ឌអាពាហ៍ពិពាហ៍ លុះត្រាតែបញ្ញត្តិចូលដល់អ៊ីទ្ទះរបស់វា។ ចូរពួកអ្នកដឹងថាអល់ឡោះពិតជាដឹង នូវអ្វីដែលមានក្នុងខ្លួនរបស់ពួកអ្នកហេតុនេះចូរពួកអ្នកកោតខ្លាចលោក។ និងចូរពួកអ្នកដឹងថាអល់ឡោះពិតជាអ្នកដែល អភ័យទោសជាអ្នកដែលទន់ភ្លន់បំផុត

គ្មានទោសពៃរ៍ទេលើពួកអ្នកបើពួក អ្នកបានលែងលះភរិយាមុននឹងពួកអ្នកប៉ះពាល់ពួកនាង ឬមុនពួកអ្នកកំណត់ខាន់ស្លាជូនពួកនាង។ ចូរពួកអ្នកផ្តល់សោមនស្សដល់ពួកនាងនូវសោមនស្សមួយ ដោយសមរម្យចំពោះអ្នកទូលាយ គឺតាមលទ្ធភាព និងចំពោះអ្នកខ្សត់ ក៏តាម លទ្ធភាពដែរ។ ជាករណីកិច្ចមួយលើពួកអ្នកសាងកុសល