Surah Al-Baqara Ayahs #239 Translated in Khmer

គ្មានទោសពៃរ៍ទេលើពួកអ្នកក្នុងរឿងដែលពួកអ្នកបានបង្ហាញនៃការដណ្តឹងនារី ឬពួកអ្នកបានលាក់នៅក្នុងខ្លួនឯង។ អល់ឡោះបានដឹងថាពួកអ្នកពិតជានឹងពោលទៅកាន់ពួកនាង ក៏ប៉ុន្តែចូរពួកអ្នកកុំសន្យានឹងពួកនាងដោយស្ងាត់ៗ លើកលែងតែករណីដែលពួកអ្នកនិយាយនូវពាក្យសំដីមួយដោយសមរម្យ។ហើយចូរពួកអ្នកកុំតាំងចិត្តចុះលក្ខខណ្ឌអាពាហ៍ពិពាហ៍ លុះត្រាតែបញ្ញត្តិចូលដល់អ៊ីទ្ទះរបស់វា។ ចូរពួកអ្នកដឹងថាអល់ឡោះពិតជាដឹង នូវអ្វីដែលមានក្នុងខ្លួនរបស់ពួកអ្នកហេតុនេះចូរពួកអ្នកកោតខ្លាចលោក។ និងចូរពួកអ្នកដឹងថាអល់ឡោះពិតជាអ្នកដែល អភ័យទោសជាអ្នកដែលទន់ភ្លន់បំផុត

គ្មានទោសពៃរ៍ទេលើពួកអ្នកបើពួក អ្នកបានលែងលះភរិយាមុននឹងពួកអ្នកប៉ះពាល់ពួកនាង ឬមុនពួកអ្នកកំណត់ខាន់ស្លាជូនពួកនាង។ ចូរពួកអ្នកផ្តល់សោមនស្សដល់ពួកនាងនូវសោមនស្សមួយ ដោយសមរម្យចំពោះអ្នកទូលាយ គឺតាមលទ្ធភាព និងចំពោះអ្នកខ្សត់ ក៏តាម លទ្ធភាពដែរ។ ជាករណីកិច្ចមួយលើពួកអ្នកសាងកុសល

បើពួកអ្នកបានលែងលះពួកនាងមុននឹងពួកអ្នកប៉ះពាល់ពួកនាង និងពួកអ្នកក៏បានកំណត់ខាន់ស្លាជូនពួកនាងទៀត ពេលនោះ គឺពាក់កណ្តាលនៃអ្វីដែលពួកអ្នកបានកំណត់រួច លើកលែងតែករណីដែលអត់ឱនដោយពួកនាង ឬអត់ឱនដោយអ្នកដែលនៅក្នុងដៃមានលក្ខខណ្ឌអាពាហ៍ពិពាហ៍។ ហើយករណីដែលពួកអ្នកអត់ឱននោះជិតបំផុតសម្រាប់ការគោរពកោតខ្លាច។ ហើយចូរពួកអ្នកកុំភ្លេចការអនុគ្រោះរវាងពួកអ្នក។ អល់ឡោះពិតជាអ្នកឃើញបំផុតនូវអ្វីដែលពួកអ្នកប្រព្រឹត្ត

ចូរពួកអ្នកថែរក្សាសឡាតិ៍នានានិងសឡាតិ៍វូស្តោ។ ហើយចូរពួកអ្នកឈរដើម្បីអល់ឡោះដោយការគោរព

ប្រសិនបើពួកអ្នកមានការភ័យខ្លាច គឺសឡាតិ៍ទាំងដំណើរ ឬទាំងជំនិះ។ កាលណាពួកអ្នកមានសន្តិភាព ហើយចូរពួកអ្នករំលឹកអល់ឡោះដូចដែលលោកបានបង្រៀនចំពោះពួកអ្នក នូវអ្វីដែលពួកអ្នកមិនធ្លាប់បានដឹង