Surah Al-Baqara Ayahs #198 Translated in Khmer

ខែពិសិដ្ឋ សងដោយខែពិសិដ្ឋ។ បំរាមទាំងឡាយគឺសមទណ្ឌ។ ជនដែលបានបំពានលើពួកអ្នក ចូរពួកអ្នកបំពានលើជននោះវិញ ឱ្យដូចដែលជននោះបានបំពានលើពួកអ្នក។ ហើយចូរពួកអ្នកគោរពកោត ខ្លាចអល់ឡោះ។ ចូរពួកអ្នកដឹងថាអល់ឡោះជាមួយនឹងពួកដែលគោរពកោតខ្លាច

ហើយ ចូរពួកអ្នកបរិច្ចាគក្នុងផ្លូវអល់ឡោះ ហើយចូរពួកអ្នកកុំបោះដៃពួកអ្នកទៅក្នុងវិនាសកម្ម។ ចូរពួកអ្នកសាងកុសលអល់ឡោះពិតជាស្រឡាញ់ពួកសាងកុសល

ហើយចូរពួកអ្នក បំពេញហាជ្ជ និងអុំរ៉ោះដើម្បីអល់ឡោះ។ បើសិនពួកអ្នកត្រូវបានគេហាមឃាត់ពេលនោះ គឺជំនូនណាមួយ (សំឡេះសត្វ) ដែលយល់ថាងាយ។ ហើយចូរអ្នកកុំអាលកោរក្បាលរបស់ ពួកអ្នកលុះត្រាតែជំនូននោះទៅដល់កន្លែងវាសិន។ ហើយជនដែលក្នុងចំណោមពួកអ្នកដែលជាអ្នកមានជំងឺ ឬជននោះមានការឈឺត្រង់ក្បាលរបស់គេពេលនោះ គឺការលោះមួយដោយសោម ឬការដាក់ទានឬពិឃាតសត្វ។ កាលណាពួកអ្នកបានសុខហើយ អ្នកដែលចង់បានងាយស្រួលនឹងអុំរ៉ោះរហូតដល់ហាជ្ជ គឺជំនូនណាមួយដែលយល់ថាងាយ។ ហើយជនណាដែលគ្មានលទ្ធភាព គឺការសោមបីថ្ងៃក្នុងហាជ្ជ និងប្រាំពីរថ្ងៃ កាលណាពួកគេបានត្រឡប់វិញ។ នោះគឺដប់ថ្ងៃពេញ។ នោះហើយសម្រាប់អ្នកដែលគ្រួសាររបស់គេ មិនមែនជាអ្នកដែលនៅម៉ាស្ជីទិលហារ៉ាម។ ហើយចូរពួកអ្នកគោរពកោតខ្លាចអល់ឡោះ។ ហើយចូរពួកអ្នកដឹងថាពិតប្រាកដអល់ឡោះជាអ្នកដែលដាក់ទណ្ឌកម្មដ៏តឹងរ៉ឹងបំផុត

ហាជ្ជ (បូជនីយកិច្ចធំ) សុទ្ធតែជាខែដែលគេដឹងស្រាប់។ក្នុងខែទាំងនោះ ជនណាដែលមានកាតព្វកិច្ចហាជ្ជ គឺគ្មានទេការរួមសង្វាស ហើយគ្មានទេការខិលខូច ហើយក៏គ្មានដែរការប្រឈ្លោះគ្នានៅពេលហាជ្ជនេះ។ អំពើកុសលណាមួយក៏ដោយដែលពួកអ្នកប្រព្រឹត្ត អល់ឡោះដឹងទាំងអស់។ ចូរពួកអ្នកត្រៀមស្បៀង។ ស្បៀងដ៏ល្អប្រសើរនោះ គឺការគោរពកោតខ្លាច។ ចូរពួកអ្នកគោរពកោតខ្លាចយើងឱអ្នកដែលមានបញ្ញា

ពុំមានទោស ពៃរ៍លើពួកអ្នកទេប្រសិនបើពួកអ្នកស្វែងរកក្តីអនុគ្រោះមួយពីម្ចាស់របស់ពួកអ្នក។ រួចមកកាលណាពួកអ្នកចាកចេញពីអារ៉ហ្វះ ពេលនោះចូរពួកអ្នក រលឹកទៅចំពោះអល់ឡោះនៅឯម៉ាស្អារីលហារ៉មហើយចូរពួកអ្នករលឹក លោកដូចដែលលោកបានមគ្គុទ្ទេសពួកអ្នក ទោះបីពីមុននេះពួកអ្នកមានក្នុងចំណោមពួកភាន់វង្វេងក៏ដោយ