Surah Al-Baqara Ayahs #170 Translated in Khmer

នៅពេលដែលពួក ដែលត្រូវបានគេធ្វើតាមបានផ្តាច់ខ្លួនចេញពីពួកដែលបានធ្វើតាមគេ ដោយពួកគេបានឃើញទណ្ឌកម្ម និងចំណងសម្ព័ន្ធនានាត្រូវបានកាត់ផ្តាច់ពីពួកគេ

ហើយពួកដែលបានធ្វើតាមគេបាននិយាយថា បើពួកយើងមានការវិលត្រលប់ទៅម្តងទៀត ពួកយើងប្រាកដជានឹងផ្តាច់ខ្លួនពីពួកគេ ដូចដែលពួកគេបានផ្តាច់ខ្លួនពីពួកយើង។ ប្រៀបដូចនេះហើយ ដែលអល់ឡោះនឹងបង្ហាញជូនពួកគេនូវអំពើនានារបស់ពួកគេដែលជាហេតុត្រូវស្តាយក្រោយលើពួកគេ។ ហើយពួកគេក៏ពុំមែនជាអ្នកចេញពីនរកដែរ

ឱមនុស្សទាំងឡាយ ចូរពួកអ្នកបរិភោគប្រការដែលគេអនុញ្ញាត ហើយស្អាតល្អនៃអ្វីដែលមាននៅឯដីនិង ចូរពួកអ្នកកុំធ្វើតាមជំហានៗស្ហៃតន។ ស្ហៃតនពិតជាសត្រូវដ៏ច្បាស់ក្រឡែតសម្រាប់ពួកអ្នក

វាបញ្ជាឱ្យពួកអ្នកប្រព្រឹត្តតែអំពើអាក្រក់និងអាស្រូវ និង ឱ្យពួកអ្នកនិយាយអំពីរឿងអល់ឡោះនូវអ្វីដែលពួកអ្នកមិនដឹងប៉ុណ្ណោះ

កាលណាគេបាននិយាយទៅកាន់ពួកគេថា សូមពួកអ្នកគោរពតាមអ្វីដែលអល់ឡោះបានបញ្ចុះមក ពួកគេថាទេ! ពួកយើងគោរពតែអ្វីដែលពួកយើងបានប្រទះឃើញមានពីជីដូនជីតាយើងប៉ុណ្ណោះ។ តើទោះបីជីដូនជីតាពួកគេ មិនពិចារណាអ្វីសោះនិងមិនទទួលមគ្គុទ្ទេសន៍ក៏ដោយឬ