Surah Al-Baqara Ayahs #129 Translated in Khmer

ហើយនៅពេលដែលយើងបានចាត់ទុក កាក់ព្ហះសម្រាប់មនុស្ស ជាកន្លែងជួបជុំ និងសន្តិភាព។ ចូរពួកអ្នកយកម៉ាកមអ៊ីព្រហ៊ីម ធ្វើជាកន្លែងសឡាតិ៍។ ហើយយើងបានបញ្ជាអ៊ីព្រហ៊ីម និងអ៊ីស្មាឯលថា ចូរអ្នកទាំងពីរ សំអាតគេហដ្ឋានយើង សម្រាប់ពួកអ្នកតាវ៉ាហ្វ អ្នកចេតនាស្នាក់ “តាំងសមាធិ” និងអ្នក ស៊ូជូទ (សឡាតិ៍)

ហើយនៅពេលដែលអ៊ីព្រហ៊ីមថា ឱម្ចាស់! សូមលោកបង្កើត ទីនេះជាស្រុកមួយដែលសន្តិភាព ហើយសូមលោកផ្តល់អាហារផ្លែឈើដល់អ្នកស្រុកនេះ ដែលជាជនក្នុងចំណោមពួកគេ ដែលជឿនឹងអល់ឡោះ ជឿថ្ងៃចុងក្រោយ។ លោកថា ហើយជនណាដែលបោះបង់ជំនឿ យើងនឹងឱ្យគេសប្បាយដ៏តិចតួចប៉ុណ្ណោះ ក្រោយមកយើងនឹងបង្ខំជននោះទៅកាន់ទណ្ឌកម្មនរក ហើយជាទីវិលត្រឡប់ដ៏អាក្រក់បំផុតឱ្យ

ហើយនៅពេលដែលអ៊ីព្រហ៊ីម និងអ៊ីស្មាឯលលើកខឿននៃកាក់ព្ហះ ឱម្ចាស់របស់យើង សូមលោកទទួលយកពីពួកយើងផង។ ប្រាកដណាស់ លោកជាអ្នកឮជាអ្នកដឹងបំផុត

ឱម្ចាស់យើង សូមលោកចាត់ទុកពួកយើង ជាជនមុស្លិមទាំងពីរនាក់ចំពោះលោក ហើយពីកូនចៅរបស់យើង ជាសហគមន៍មួយដែលចុះចូលចំពោះលោក និងសុំលោក បង្ហាញដល់យើងនូវមាគ៌ាសាសនារបស់យើង ហើយសូមលោកផ្តល់ការប្រណីលើពួកយើង។ ជាការពិតណាស់ លោកជាអ្នកផ្តល់ការប្រណីបំផុត ជាអ្នកមេត្តាករុណា

ឱម្ចាស់របស់យើង សូមលោកចាត់ក្នុងចំណោមពួកគេ នូវរ៉សូលម្នាក់ពីចំណោមពួកគេដែលនឹងសូត្រទៅលើពួកគេនូវអាយ៉ាត់ៗលោក ហើយលោកបានបង្រៀនពួកគេពីគម្ពីរ និងគតិបណ្ឌិត និងជម្រះសំអាតពួកគេ។ ជាការពិតណាស់លោកជាអ្នកមានអានុភាព ជាអ្នកគតិបណ្ឌិត