Surah Al-Baqara Ayahs #105 Translated in Khmer

ហើយនៅពេលមានរ៉សូលណាម្នាក់ពី អល់ឡោះបានទៅដល់ពួកគេ ដោយបញ្ជាក់ពីអ្វីដែលមាននៅជាមួយពួក គេស្រាប់នោះ មួយក្រុមនៃពួកដែលត្រូវបានគេផ្តល់គម្ពីរឱ្យនោះ បានបោះ បង់គម្ពីរអល់ឡោះដាក់ពីក្រោយខ្នងពួកគេ ហាក់បីដូចពួកគេមិនដឹង

ពួកគេបានគោរពតាមអ្វីដែលពួកស្ហៃតន? បានសូត្រនៅលើរាជបល្ល័ង្ករបស់ សូឡៃម៉ាន។ មិនមែនសូឡៃម៉ានមិនបានជឿនោះទេ ក៏ប៉ុន្តែពួកស្ហៃតនទេ ដែលមិនបានជឿនោះ។ ពួកគេបានបង្រៀនមនុស្សឱ្យចេះមន្តអាគម។ វិជ្ជា នេះ មិនត្រូវបានបញ្ចុះទៅលើម៉ាឡាអ៊ីកាត់ទាំងពីរ គឺហារូត ម៉ារូតនៅឯ ញ្ហោពលនោះទេ។ ម៉ាឡាអ៊ីកាត់ទាំងពីរនេះ ក៏មិនដែលបង្រៀនជនណាម្នាក់ ទេ លុះត្រាតែគេទាំងពីរនោះបាននិយាយថា ការពិតពួកយើងគ្រាន់តែជា ការសាកល្បងតែប៉ុណ្ណោះ ហេតុនេះ ចូរអ្នកកុំបោះបង់ជំនឿ។ មនុស្សក៏បាន រៀនសូត្រពីពួកគេ នូវរឿងដែលអាចបំបែកបំបាក់រវាងស្វាមី និងភរិយា ដោយសារវិជ្ជានេះ។ ហើយដោយសារវិជ្ជានេះ ពួកគេមិនមែនជាអ្នកនាំ ឧបសគ្គដល់ជនណាម្នាក់ទេ លុះត្រាតែដោយការអនុញ្ញាតអំពីអល់ឡោះ។ ពួកគេរៀនវិជ្ជាដែលនាំឧបសគ្គ និងមិនផ្តល់ផលប្រយោជន៍ដល់ពួកគេទេ។ ជាការពិតណាស់ ពួកគេបានដឹង ជនណាដែលបានជ្រើសរើសយកវិជ្ជានេះ គឺមិនមានសំណាងណាមួយសម្រាប់គេនៅបរលោកឡើយ។ អាក្រក់ណាស់ ដែលពួកគេបានជ្រើសរើសយកវិជ្ជានេះសម្រាប់ខ្លួនគេ ប្រសិនបើពួកគេធ្លាប់ បានដឹងនោះ

ហើយបស្រិនបើពួកគេ ពិតជាបានជឿ និងគោរពកោតខ្លាច ប្រាកដជាផលបុណ្យមួយពីអល់ឡោះនោះ ល្អប្រសើរជាង ប្រសិន បើពួកគេធ្លាប់បានដឹង

ឱពួកអ្នកដែលបានជឿ! ចូរពួកអ្នកកុំពោលថា រ៉អ៊ីណា ប៉ុន្តែពួកអ្នកត្រូវពោលថា អុនហ្សូរណា ហើយចូរពួកអ្នកស្តាប់។ សម្រាប់ពួកដែលគ្មានជំនឿ គឺទណ្ឌកម្មមួយយ៉ាងខ្លោចផ្សារបំផុត

ពួក ដែលមិនបានជឿក្នុងចំណោមក្រុមអះលីគីតាប និងពួកស៊ីរិក មិនចង់ឱ្យគេ ដាក់បញ្ចុះទៅឱ្យពួកអ្នក នៃអំពើល្អណាមួយពីម្ចាស់របស់ពួកអ្នកទេ។ ហើយ អល់ឡោះបានកំណត់ការប្រោសប្រណីអំពីលោក ជូនចំពោះជនណាដែល លោកប្រាថ្នា។ ហើយអល់ឡោះជាអ្នកដែលមានការអនុគ្រោះក្រៃលែង