Surah Al-Araf Ayahs #73 Translated in Khmer

តើពួកអ្នករំភើបភ្ញាក់ផ្អើលឬ? ស្តីពីការក្រើនរំលឹក មួយបានទៅដល់ពួកអ្នកមកពីម្ចាស់របស់ពួកអ្នក តាមរយៈបុរសម្នាក់ក្នុងចំណោមពួកអ្នក ដើម្បី បុរសនោះនឹងដាស់តឿនពួកអ្នក។ ចូរពួកអ្នករំលឹកឡើងវិញ ក្នុងខណៈដែលលោកបានចាត់តាំង ពួកអ្នកជាខលីហ្វះ បន្ទាប់ពីក្រុមរបស់ណូហ៌ ហើយលោកបានថែមឱ្យពួកអ្នកនូវកំពស់ (ដែល មានអានុភាពខ្លាំងក្លា) នៅក្នុងរាងកាយ។ ហេតុនេះ ចូរពួកអ្នករំលឹកឡើងវិញនូវឧបការគុណ ជាច្រើនរបស់អល់ឡោះ ដើម្បីពួកអ្នកនឹងជោគជ័យ

ពួកគេបានឆ្លើយថា តើអ្នកបានដល់ មកយើងនេះ ដើម្បីឱ្យយើងគោរពប្រណិបតន៍អល់ឡោះតែមួយគត់ ហើយឱ្យយើងបោះបង់ ចោល នូវអ្វីដែលជីដូនជីតារបស់យើងធ្លាប់បានគោរពប្រណិប័តន៍ឬ? អញ្ចឹង ចូរអ្នកផ្តល់មក យើងនូវអ្វីដែលអ្នកសន្យាចំពោះយើង ប្រសិនបើអ្នកស្ថិតក្នុងចំណោមពួកអ្នកទៀងត្រង់មែន

ហ៊ូទបានប្រាប់ថា ក្តីខ្លោចផ្សានិងការក្រេវក្រោធបានសំពងមកលើពួកអ្នក មកពីម្ចាស់ របស់ពួកអ្នក។ តើពួកអ្នកឈ្លោះប្រកែកជាមួយយើងស្តីពីនាមទាំងឡាយ (របស់បដិមា) ដែល ពួកអ្នកនិងជីដូនជីតារបស់ពួកអ្នកបានប្រសិទ្ធិនូវនាមទាំងនាះ ដែលអល់ឡោះមិនបានដាក់ចុះ នូវភស្តុតាងណាមួយ ដោយសារនាមទាំងនោះឡើយឬ? ហេតុនេះ ចូរពួកអ្នកទន្ទឹងរង់ចាំចុះ យើងក៏ស្ថិតក្នុងចំណោមពួកដែលទន្ទឹងរង់ចាំរួមជាមួយពួកអ្នកដែរ

យើងបានសង្គ្រោះហ៊ូទ ព្រមទាំងបណ្តាអ្នកដែលរួមជាមួយហ៊ូទ ដោយក្តីអាណិតអាសូរអំពីយើង ហើយយើងបានផ្តាច់ ពូជពួកដែលបានបដិសេធនឹងអាយ៉ាត់ទាំងឡាយរបស់យើង។ ពួកគេទាំងនោះពុំមែនជាពួកមាន ជំនឿឡើយ

ហើយឆ្ពោះទៅក្រុមសាមូទ (យើងបានចាត់) បងប្អូនប្រុសរបស់គេគឺសាឡេះ។ គាត់បាននិយាយថា ឱក្រុមរបស់យើង! ចូរអ្នកគោរពប្រណិប័តន៍អល់ឡោះ។ សំរាប់ពួកអ្នកគ្មាន ម្ចាស់ជាទីសក្ការៈណាមួយក្រៅពីលោកទេ។ ជាការពិតណាស់ ភស្តុតាងមួយបានដល់ពួកអ្នក មកពីម្ចាស់របស់ពួកអ្នក។ នេះនែ៎! សត្វអូដ្ឋញីរបស់អល់ឡោះ ជាភស្តុតាងមួយសំរាប់ពួកអ្នក។ ហេតុនេះ ចូរពួកអ្នកលែងវាចុះ វានឹងស្វែងរកស៊ីនៅតាមដែនដីអល់ឡោះ។ ចូរពួកអ្នកកុំប៉ះពាល់ វាដោយប្រការអាក្រក់ណាមួយ ពុំនោះសោតទេ ទណ្ឌកម្មដ៏ខ្លោចផ្សានឹងក្របួចយកពួកអ្នក