Surah Al-Araf Ayahs #75 Translated in Khmer

ហ៊ូទបានប្រាប់ថា ក្តីខ្លោចផ្សានិងការក្រេវក្រោធបានសំពងមកលើពួកអ្នក មកពីម្ចាស់ របស់ពួកអ្នក។ តើពួកអ្នកឈ្លោះប្រកែកជាមួយយើងស្តីពីនាមទាំងឡាយ (របស់បដិមា) ដែល ពួកអ្នកនិងជីដូនជីតារបស់ពួកអ្នកបានប្រសិទ្ធិនូវនាមទាំងនាះ ដែលអល់ឡោះមិនបានដាក់ចុះ នូវភស្តុតាងណាមួយ ដោយសារនាមទាំងនោះឡើយឬ? ហេតុនេះ ចូរពួកអ្នកទន្ទឹងរង់ចាំចុះ យើងក៏ស្ថិតក្នុងចំណោមពួកដែលទន្ទឹងរង់ចាំរួមជាមួយពួកអ្នកដែរ

យើងបានសង្គ្រោះហ៊ូទ ព្រមទាំងបណ្តាអ្នកដែលរួមជាមួយហ៊ូទ ដោយក្តីអាណិតអាសូរអំពីយើង ហើយយើងបានផ្តាច់ ពូជពួកដែលបានបដិសេធនឹងអាយ៉ាត់ទាំងឡាយរបស់យើង។ ពួកគេទាំងនោះពុំមែនជាពួកមាន ជំនឿឡើយ

ហើយឆ្ពោះទៅក្រុមសាមូទ (យើងបានចាត់) បងប្អូនប្រុសរបស់គេគឺសាឡេះ។ គាត់បាននិយាយថា ឱក្រុមរបស់យើង! ចូរអ្នកគោរពប្រណិប័តន៍អល់ឡោះ។ សំរាប់ពួកអ្នកគ្មាន ម្ចាស់ជាទីសក្ការៈណាមួយក្រៅពីលោកទេ។ ជាការពិតណាស់ ភស្តុតាងមួយបានដល់ពួកអ្នក មកពីម្ចាស់របស់ពួកអ្នក។ នេះនែ៎! សត្វអូដ្ឋញីរបស់អល់ឡោះ ជាភស្តុតាងមួយសំរាប់ពួកអ្នក។ ហេតុនេះ ចូរពួកអ្នកលែងវាចុះ វានឹងស្វែងរកស៊ីនៅតាមដែនដីអល់ឡោះ។ ចូរពួកអ្នកកុំប៉ះពាល់ វាដោយប្រការអាក្រក់ណាមួយ ពុំនោះសោតទេ ទណ្ឌកម្មដ៏ខ្លោចផ្សានឹងក្របួចយកពួកអ្នក

ចូរពួកអ្នករំលឹកឡើងវិញ ក្នុងខណៈដែលលោកបានចាត់តាំងពួកអ្នក ជាខលីហ្វះ បន្ទាប់ពីក្រុមពួកអាទ ហើយលោកបានផ្តល់ជំរកឱ្យទៅពួកអ្នកនៅលើភពដែនដី ពួក អ្នកស្ថាបនាវិមានជាច្រើននៅទីរាបស្មើនៃដែនដី ហើយពួកអ្នកដាប់កែច្នៃភ្នំជាច្រើន ធ្វើជាគេហដ្ឋាន។ ហេតុនេះ ចូរអ្នករំលឹកឡើងវិញ នូវឧបការគុណទាំងឡាយរបស់ អល់ឡោះ ហើយចូរពួកអ្នកកុំហួសហេតុ ជាពួកអ្នកធ្វើឱ្យខូចខាតនៅក្នុងដែនដី

អ្នកមុខអ្នកការរបស់ពួកដែលបានវាយប្ញកក្រអឺតនៃក្រុមពួកសាឡេះ បាននិយាយទៅ កាន់ពួកអ្នកទន់ខ្សោយ គឺជាអ្នកដែលមានជំនឿក្នុងចំណោមពួកគេទាំងនោះថា តើ ពួកអ្នកដឹងថាសាឡេះ ពិតជាអ្នកដែលត្រូវគេចាត់បញ្ជូនមកពីម្ចាស់របស់គេឬ? ពួក អ្នកទន់ខ្សោយបានឆ្លើយតបវិញថា ពួកយើងពិតជាពួកដែលមានជំនឿលើអ្វីដែលគេ បានចាត់បញ្ជូនសាឡេះឱ្យនាំមក