Surah Al-Araf Ayahs #77 Translated in Khmer

ហើយឆ្ពោះទៅក្រុមសាមូទ (យើងបានចាត់) បងប្អូនប្រុសរបស់គេគឺសាឡេះ។ គាត់បាននិយាយថា ឱក្រុមរបស់យើង! ចូរអ្នកគោរពប្រណិប័តន៍អល់ឡោះ។ សំរាប់ពួកអ្នកគ្មាន ម្ចាស់ជាទីសក្ការៈណាមួយក្រៅពីលោកទេ។ ជាការពិតណាស់ ភស្តុតាងមួយបានដល់ពួកអ្នក មកពីម្ចាស់របស់ពួកអ្នក។ នេះនែ៎! សត្វអូដ្ឋញីរបស់អល់ឡោះ ជាភស្តុតាងមួយសំរាប់ពួកអ្នក។ ហេតុនេះ ចូរពួកអ្នកលែងវាចុះ វានឹងស្វែងរកស៊ីនៅតាមដែនដីអល់ឡោះ។ ចូរពួកអ្នកកុំប៉ះពាល់ វាដោយប្រការអាក្រក់ណាមួយ ពុំនោះសោតទេ ទណ្ឌកម្មដ៏ខ្លោចផ្សានឹងក្របួចយកពួកអ្នក

ចូរពួកអ្នករំលឹកឡើងវិញ ក្នុងខណៈដែលលោកបានចាត់តាំងពួកអ្នក ជាខលីហ្វះ បន្ទាប់ពីក្រុមពួកអាទ ហើយលោកបានផ្តល់ជំរកឱ្យទៅពួកអ្នកនៅលើភពដែនដី ពួក អ្នកស្ថាបនាវិមានជាច្រើននៅទីរាបស្មើនៃដែនដី ហើយពួកអ្នកដាប់កែច្នៃភ្នំជាច្រើន ធ្វើជាគេហដ្ឋាន។ ហេតុនេះ ចូរអ្នករំលឹកឡើងវិញ នូវឧបការគុណទាំងឡាយរបស់ អល់ឡោះ ហើយចូរពួកអ្នកកុំហួសហេតុ ជាពួកអ្នកធ្វើឱ្យខូចខាតនៅក្នុងដែនដី

អ្នកមុខអ្នកការរបស់ពួកដែលបានវាយប្ញកក្រអឺតនៃក្រុមពួកសាឡេះ បាននិយាយទៅ កាន់ពួកអ្នកទន់ខ្សោយ គឺជាអ្នកដែលមានជំនឿក្នុងចំណោមពួកគេទាំងនោះថា តើ ពួកអ្នកដឹងថាសាឡេះ ពិតជាអ្នកដែលត្រូវគេចាត់បញ្ជូនមកពីម្ចាស់របស់គេឬ? ពួក អ្នកទន់ខ្សោយបានឆ្លើយតបវិញថា ពួកយើងពិតជាពួកដែលមានជំនឿលើអ្វីដែលគេ បានចាត់បញ្ជូនសាឡេះឱ្យនាំមក

ពួកដែលបានវាយឬកក្អេងក្អាងបាននិយាយថា រីឯពួកយើងពិតជាអ្នកអជំនឿ នូវអ្វីដែលពួកអ្នកមានជំនឿនោះ

ពួកគេក៏បាន កាប់សត្វអូដ្ឋញី ហើយពួកគេមានះ មិនស្តាប់ឱវាទម្ចាស់របស់ពួកគេ ពួកគេបាន និយាយថា ឱសាឡេះ! ចូរអ្នកនាំមកកាន់យើង នូវអ្វីដែលអ្នកសន្យាមកចំពោះយើង ប្រសិនបើអ្នកពិតជាស្ថិតក្នុងចំណោមពួករ៉សូល ដែលត្រូវគេចាត់បញ្ជូនមែននោះ