Surah Al-Araf Ayahs #41 Translated in Khmer

តើមានជនណាម្នាក់ ដែលបំពារបំពានជាងអ្នកដែលប្រឌិតលើអល់ឡោះ នូវការភូតកុហក ឬអ្នកដែលបដិសេធនឹង អាយ៉ាត់ទាំងឡាយរបស់លោក? ពួកគេទាំងនោះ មួយចំណែករបស់ពួកគេនៃព្រហ្មលិខិត (ក្នុង ជីវិតលោកិយ)នឹងត្រូវបានទៅដល់ពួកគេ រហូតកាលណារ៉សូល (ម៉ាឡាអ៊ីកាត់) ទាំងឡាយរបស់ យើងបានទៅដល់ពួកគេ ដើម្បីនឹងយកជីវិតរបស់ពួកគេ ព្រមជាមួយវាចារថា ឯណាទៅដែល ពួកអ្នកធ្លាប់បានបួងសួងក្រៅពីអល់ឡោះនោះ។ ពួកគេបានឆ្លើយថា ទាំងអស់នោះបានបាត់បង់ពី យើង ហើយពួកគេបានធ្វើសាក្សីតទល់នឹងខ្លួនឯងថា ពួកគេប្រាកដជាអ្នកដែលអជំនឿមែន

អល់ឡោះបានមានវាចាថា ចូរពួកអ្នកចូលទៅក្នុងនរកជាមួយនឹងក្រុមមនុស្ស ដែលបានកន្លង ផុតមកហើយ នៃពួកកាលពីមុនពួកអ្នក ក្នុងចំណោមជិន និងពពួកមនុស្ស។ រាល់ក្រុមមនុស្ស ដែលបានចូលទៅ សុទ្ធតែបានពោលផុសវាចាទៅកាន់បងប្អូនគេមានពីមុនមក រហូតទាល់កាល ណាបានជួបជុំទាំងអស់គ្នានៅក្នុងនរក។ ពួកក្រុមមនុស្សចុងក្រោយគេបង្អស់ បាននិយាយទៅ កាន់ពួកក្រុមមនុស្សមុនគេបង្អស់ថា ឱម្ចាស់របស់យើង ពួកគេទាំងអស់នេះហើយ ដែលបាន បំភ័ន្តវង្វែងយើង ហេតុនេះ សូមលោកមេត្តាអនុវត្តទៅកាន់ពួកគេនូវទណ្ឌកម្មផ្ទួនៗទ្វេឡើងនៃ នរក។ អល់ឡោះបានពោលថា សំរាប់រាល់ៗរូប គឺទ្វេទណ្ឌកម្ម ក៏ប៉ុន្តែពួកអ្នកឥតបានដឹងឡើយ

ពួកអ្នកមុនគេបង្អស់ បាននិយាយទៅកាន់ពួកអ្នកចុងក្រោយគេបង្អស់ថា ពួកអ្នកគ្មានប្រៀប អាទិភាពអ្វីមួយលើយើងបន្តិចឡើយ ហេតុនេះ ចូរពួកអ្នកទទួលរសជាតិទណ្ឌកម្ម ដែល បណ្តាលមកពីអ្វីដែលពួកអ្នកធ្លាប់ខំប្រឹងប្រែងធ្វើ

ជាការពិតណាស់ បណ្តាអ្នកដែលបាន បដិសេធនឹងអាយ៉ាត់ទាំងឡាយរបស់យើង បានប្រកាន់ប្ញកក្អេងក្អាងពីអាយ៉ាត់ទាំងនោះ គេនឹង មិនបើកទ្វារទាំងឡាយរបស់មេឃ ឱ្យពួកគេទាំងនោះសោះឡើយ ពួកគេទាំងនោះនឹងមិនចូល ឋានសួគ៌ទេ ទាល់តែសត្វអូដ្ឋមមុលចូលទៅក្នុងគូថម្ជុល។ ដូចនេះហើយ យើងទូទាត់ចំពោះពួក ឧក្រិដ្ឋជន

រៀបចំសំរាប់ពួកគេ គ្រែពីឋាននរក និងពីខាងលើពួកគេភួយ (ពីឋាននរក)។ ដូចនេះហើយ យើងទូទាត់ចំពោះពួកជនបំពារបំពាន