Surah Yusuf Ayahs #25 Translated in Khmer

អ្នកមកពីអេហ្ស៊ីប ដែលបានទិញយូសុហ្វ បាននិយាយទៅកាន់ភរិយារបស់គាត់ថា ចូរនាងរៀបចំឱ្យបានសមរម្យចំពោះកន្លែងស្នាក់នៅរបស់វា សង្ឃឹមថា កុមារនេះនឹងផ្តល់ ផលប្រយោជន៍ដល់យើង ឬមួយយើងយកកុមារនេះធ្វើជាកូន ។ ហើយប្រៀបបីដូចនេះ ហើយ ដែលយើងបានកំណត់ទីកន្លែងសំរាប់យូសុហ្វនៅលើផែនដី ព្រមទាំងយើងនឹងបាន បង្រៀនយូសុហ្វស្តីពីការកាត់រឿងសុបិនទាំងឡាយ។ ហើយអល់ឡោះជាអ្នកដែលឈ្នះនៅ លើកិច្ចការរបស់លោក ក៏ប៉ុន្តែភាគច្រើនណាស់នៃមនុស្សមិនបានដឹងទេ

ហើយនៅ ពេលដែលយូសុហ្វបានឈានដល់អាយុពេញវ័យ យើងក៏បានផ្តល់ទៅគាត់នូវគតិបណ្ឌិត និង វិជ្ជា។ប្រៀបដូចទាំងនេះហើយ ដែលយើងនឹងទូទាត់ចំពោះពួកដែលបានសាងកុសល

រួចមក នារីដែលយូសុហ្វនៅក្នុងផ្ទះរបស់នាងនោះ បានលួងលោមយូសុហ្វពីរូបយូសុហ្វ ផ្ទាល់ ហើយនាងបានបិទទ្វារទាំងឡាយ រួចនាងថា ចូរអ្នកមកនេះ! យូសុហ្វថា សូម អល់ឡោះការពារខ្ញុំ! ការពិតលោក(ប្តីរបស់នាង) ជាចៅហ្វាយរបស់ខ្ញុំ គឺជាកន្លែងនៅ របស់ខ្ញុំដ៏ល្អជាងគេ។ ការពិតពួកអយុត្តិធម៌នឹងមិនឈ្នះឡើយ

ជាការពិតណាស់ នាងមានចំណង់នឹងយូសុហ្វ ហើយយូសុហ្វក៏មានចំណង់នឹងនាងវិញដែរប្រសិនបើ យូសុហ្វមិនបានឃើញភស្តុតាងរបស់ម្ចាស់គាត់ទេ។ ប្រៀបដូចទាំងនេះហើយ ដែល យើងនឹងញែកចេញពីគេនូវអំពើអកុសល និងអាក្រក់ទាំងឡាយ។ ការពិតយូសុហ្វ ក្នុង ចំណោមពួកអ្នកដែលគោរពយើងដ៏ស្មោះត្រង់

ហើយគេទាំងពីរនាក់ក៏បានដណ្តើម រត់លឿនទៅកាន់ទ្វារ ហើយនាងក៏បានហែកអាវរបស់យូសុហ្វពីខាងក្រោយ ហើយគេ ទាំងពីរនាក់ក៏បានពើបប្រទះនូវចៅហ្វាយប្រុសនៅឯទ្វារ ។ រួចនាងនិយាយថា ការ ទូទាត់ចំពោះអ្នកដែលមានបំណងអាក្រក់ចំពោះគ្រួសាររបស់អ្នក គ្មានអ្វីក្រៅពីនឹងត្រូវ គេដាក់ពន្ធនាគារវា ឬក៏ទណ្ឌកម្មមួយដ៏ខ្លោចផ្សាបំផុត