Surah Yunus Ayahs #49 Translated in Khmer

ហើយនៅថ្ងៃដែលលោកនឹងប្រមូលផ្តុំពួកគេ ហាក់ដូចពួកគេរស់នៅមិនបានយូរ(ឯលោកិយ) ប៉ុន្តែមួយរយៈ ខ្លីនៃទិវាប៉ុណ្ណោះ។ ពួកគេនឹងស្គាល់គ្នាទៅវិញទៅមករវាងពួកគេ។ ពួកដែលបានបដិសេធចំពោះការជួប នឹងអល់ឡោះ ប្រាកដជាបានខាតបង់ ហើយពួកគេពុំមែនជាពួកដែលទទួលបានមគ្គុទ្ទេសបានឡើយ

ហើយបើសិនយើងនឹងឱ្យអ្នកមើលឃើញភាគខ្លះ ដែលយើងសន្យាចំពោះពួកគេ ឬយើងនឹងយកជីវិតអ្នក ដូច្នេះ ឆ្ពោះទៅកាន់យើង គឺជាទីកន្លែងដែលវិលត្រលប់របស់ពួកគេទាំងនោះ ក្រោយមក អល់ឡោះជាអ្នក កសិណសាក្សីទៅលើអ្វីដែលពួកគេបានប្រព្រឹត្ត

ហើយគ្រប់សហគមន៍ មានរ៉សូលម្នាក់។ ដូចនេះ កាលណារ៉សូលរបស់ពួកគេបានទៅដល់ គេបានសម្រេចសេចក្តីរវាងពួកគេ ដោយយុត្តិធម៌បំផុត ហើយ ពួកគេនឹងឥតមានគេបំពារបំពានមកលើសោះឡើយ

ហើយពួកគេនឹងថា អង្កាល់ទៅការសន្យានេះ (មកដល់)ប្រសិនបើពួកអ្នក ជាពួកមនុស្សនិយាយពិតមែននោះ

ថាទៅ យើងពុំអាចក្តោបក្តាប់ខ្លួន យើងបានឡើយ នូវឧបសគ្គណាមួយ ហើយក៏មិនអាចដែរ នូវផលប្រយោជន៍ណាមួយក្រៅពីអ្វីដែល អល់ឡោះមានបំណងប្រាថ្នា។ គ្រប់សហគមន៍មានអាជ្ញាយុកាលមួយ កាលណាអាជ្ញាយុកាលរបស់ពួក គេបានដល់ ហើយពួកគេពុំអាចសុំពន្យារពេលបានឡើយ ទោះបីមួយវិនាទី ហើយក៏ពុំអាចសុំឱ្យដល់ មុនពេលបានដែរ