Surah Yunus Ayahs #107 Translated in Khmer

ក្រោយមក យើងនឹងសង្គ្រោះ រ៉សូលរបស់យើង ព្រមទាំងពួកដែលមានជំនឿ។ ប្រៀបដូចនេះ គឺជាកាតព្វកិច្ចមួយ ដែលយើងត្រូវសង្គ្រោះពួកដែលមានជំនឿ

ចូរថាទៅ ឱមនុស្សទាំងឡាយ! ទោះ បីជាពួកអ្នកស្ថិតនៅក្នុងការមន្ទិលសង្ស័យមួយស្តីពីសាសនារបស់យើងក៏ដោយ ក៏យើង នឹងមិនគោរពប្រណិប័តន៍វត្ថុទាំងឡាយ ដែលពួកអ្នកកំពុងតែគោរពប្រណិប័តន៍ក្រៅ ពីអល់ឡោះនោះដែរ ក៏ប៉ុន្តែយើងគោរពប្រណិប័តន៍អល់ឡោះ ដែលនឹងបញ្ចប់ជីវិត របស់ពួកអ្នក។ ហើយយើងត្រូវបានគេបញ្ជាឱ្យយើង មានក្នុងចំណោមពួកដែលមាន ជំនឿ

ហើយចូរតម្រង់មុខរបស់អ្នកចំពោះសាសនាដ៏ទៀងត្រង់បំផុត ហើយអ្នក កុំឱ្យមានក្នុងចំណោមពួកដែលធ្វើស៊ីរិកឱ្យសោះ

ហើយចូរអ្នកកុំបួងសួងក្រៅពី អល់ឡោះនូវអ្វីដែលគ្មានផលប្រយោជន៍ដល់អ្នក និងគ្មានឧបសគ្គដល់អ្នក។ ប្រសិនបើ អ្នកបានប្រព្រឹត្ត ពេលនោះ អ្នកប្រាកដជាឋិតក្នុងចំណោមពួកដែលបំពារបំពាន

ហើយបើអល់ឡោះធ្វើឱ្យប៉ះពាល់ដល់អ្នក នូវឧបសគ្គណាមួយ គ្មានអ្នកណាម្នាក់ធ្វើឱ្យរបើកឧបសគ្គនោះ បានឡើយក្រៅពីលោក។ ហើយបើលោកមានបំណងទៅកាន់អ្នក នូវកុសលណាមួយ ក៏គ្មានអ្នកណា ម្នាក់អាចរុញច្រានការអនុគ្រោះរបស់លោកបានដែរ។ ការអនុគ្រោះនេះ លោកនឹងឱ្យប៉ះត្រូវទៅអ្នកណា ដែលលោកប្រាថ្នា ក្នុងចំណោមពួកដែលគោរពលោក។ ហើយលោកជាអ្នកអភ័យទោសឱ្យ ជាអ្នកអាណិត អាសូរបំផុត