Surah Maryam Ayahs #77 Translated in Khmer

ហើយកាលណា គេសូត្រទៅលើពួកគេ នូវអាយ៉ាត់ទាំងឡាយរបស់យើងដ៏ជាក់ច្បាស់ ពួកដែលអជំនឿបាន និយាយទៅកាន់ពួកដែលបានជឿថា ក្នុងចំណោមទាំងពីរក្រុមនេះ តើអ្នកណាមួយដែលល្អ ប្រសើរជាងគេខាងកន្លែងស្នាក់នៅ និងល្អប្រណីតខាងប្រាស្រ័យរាប់រកគ្នា?

តើប៉ុន្មាន សតវត្សរ៍ហើយពីមុនពួកគេ ដែលយើងបានបំផ្លិចបំផ្លាញពួកគេ ល្អប្រណីតខាងសង្ហារឹមវត្ថុ និងខាងទេសភាព?

ចូរថាទៅ ជនណាដែលស្ថិតនៅក្នុងការវង្វេង ទុកឱ្យម្ចាស់មហា សប្បុរសពន្យារឱ្យជននោះ នូវការពន្យារមួយ រហូតកាលណាពួកគេបានឃើញអ្វីដែលគេបាន សន្យាចំពោះពួកគេជាទណ្ឌកម្ម (លោកិយ ឬជាថ្ងៃបរលោក) រួចមក ពួកគេគង់តែនឹងដឹងទេ ចំពោះជនណាដែលគេអាក្រក់បំផុតខាងស្ថានការណ៍ និងខ្សោយបំផុតខាងកងទ័ព

ហើយ អល់ឡោះនឹងថែមមគ្គុទ្ទេសន៍ចំពោះពួកដែលបានទទួលមគ្គុទ្ទេសន៍ ហើយគន្លងទាំងឡាយនៃ កុសល គឺល្អប្រសើរនៅឯម្ចាស់របស់អ្នកខាងរង្វាន់ និងល្អប្រសើរបំផុតខាងគម្យស្ថាន

តើអ្នកបានឃើញហើយឬ ចំពោះអ្នកដែលបានអជំនឿនឹងអាយ៉ាត់ៗរបស់យើង ហើយ គេថា យើងពិតជានឹងត្រូវផ្តល់យ៉ាងប្រាកដនូវទ្រព្យសម្បត្តិ និងបុត្រ