Surah Hud Ayahs #39 Translated in Khmer

ឬមួយពួកគេបាន និយាយថា គាត់ប្រឌិតវា។ ចូរថាទៅ ប្រសិនបើយើងបានប្រឌិតវានោះ គឺយើងត្រូវទទួលទោសពៃរ៍ របស់យើង ការពិតយើងជាអ្នករួចផុតពីអ្វីដែលពួកអ្នកសាងទោសពៃរ៍

រួចមក គេបានវ៉ាហ៊ី ឆ្ពោះទៅណូហ៍ថា នឹងមិនមានជំនឿឡើយ ក្នុងចំណោមក្រុមរបស់អ្នកក្រៅពីពួកដែលមាន ជំនឿយ៉ាងប្រាកដ។ ហេតុនេះ ចូរអ្នកកុំអស់សង្ឃឹមដោយសារតែអ្វីដែលពួកគេធ្លាប់បានប្រព្រឹត្ត

ហើយចូរអ្នកស្ថាបនា សំពៅដោយអាក់យុនយើង និងដោយវ៉ាហ៊ីរបស់យើង ហើយចូរអ្នកកុំ ត្អូញត្អែរនឹងយើង នៅក្នុងពួកដែលបានសាងអយុត្តិធម៌ ពួកគេពិតជាពួកដែលត្រូវគេពន្លិច

ហើយគាត់ស្ថាបនាសំពៅ។ ហើយនៅរាល់ដង ដែលអ្នកមុខអ្នកការនៃក្រុមមនុស្សរបស់ គាត់ បានឆ្លងកាត់ពួកគេបានចំអកឡកឡឺយដាក់គាត់។ គាត់ថា ប្រសិនបើពួកអ្នកចំអក ឡកឡឺយដាក់យើង ការពិតពួកយើងក៏នឹងចំអកឡកឡឺយដាក់អ្នកវិញ ដូចដែលអ្នកកំពុង ចំអកឡកឡឺយនោះដែរ

រួចពួកអ្នកនឹងដឹងថា ជនណាដែលទណ្ឌកម្មណាមួយនឹងដល់ ទៅគេ ទណ្ឌកម្មនោះនឹងធ្វើឱ្យវេទនាចំពោះគេ ហើយទណ្ឌកម្មមួយដែលឈរនៅជា អនន្តកាលក៏នឹងត្រូវទៅលើជននោះដែរ