Surah Hud Ayahs #113 Translated in Khmer

ដូច្នេះ ពួកអ្នកកុំមានក្នុងប្រការស្រពេចស្រពិលពីអ្វី ដែលពួកគេទាំងនោះបានប្រណិប័តន៍ ។ ពួកគេមិនប្រណិប័តន៍អ្វី ក្រៅពីដូចដែលជីដូនជីតារបស់គេប្រណិប័តន៍ពីមុនៗមកនោះឡើយ ។ ហើយការពិតណាស់ យើងជាអ្នកបំពេញជូនពួកគេនូវចំណែករបស់ពួកគេ ដោយមិនត្រូវខ្វះខាត ឡើយ

យើងបានផ្តល់យ៉ាងប្រាកដទៅកាន់មូសានូវគម្ពីរ រួចមកត្រូវបានខ្វែងគំនិតគ្នាក្នុង រឿងគម្ពីរនោះ ប្រសិនបើគ្មានសំដីណាមួយបានកន្លងផុតទៅពីម្ចាស់របស់អ្នកទេ ប្រាកដជាបាន គេសម្រេចរវាងពួកគេ។ ហើយពួកគេ ពិតជាស្ថិតនៅក្នុងការមន្ទិលសង្ស័យមួយ ស្តីពីគម្ពីរនោះ ថែមទាំងជាអ្នកស្ទាក់ស្ទើរ

ហើយជាការពិតណាស់គ្រប់ៗរូប សុទ្ធតែត្រូវបានម្ចាស់របស់ អ្នកនឹងបំពេញជូនពួកគេ នូវអំពើទាំងឡាយរបស់ពួកគេ។ ការពិតលោកជាអ្នកដែលមហាស្ទាត់ ដឹង នូវអ្វីដែលពួកគេប្រព្រឹត្ត

ដូច្នេះ ចូរអ្នកស្ថិតនៅត្រង់ភ្លឹង ដូចអ្វីដែលគេបានបញ្ជាអ្នក ព្រមទាំងអ្នកដែលបានសារភាពរួមជាមួយអ្នក ហើយចូរពួកអ្នកកុំប្រព្រឹត្តឧទ្ទាម។ ការពិតលោកជា អ្នកដែលឃើញបំផុតនូវអ្វីដែលពួកអ្នកបានប្រព្រឹត្ត

ចូរពួកអ្នកកុំទោរទន់ទៅកាន់ពួកដែលបាន សាងអយុត្តិធម៌ ពុំនោះសោត នរកនឹងត្រូវប៉ះពាល់ពួកអ្នក ហើយក្រៅពីអល់ឡោះ ពួកអ្នកគ្មានពួក គាំពារឡើយ ក្រោយមក ពួកអ្នកនឹងមិនត្រូវគេជួយឡើយ