Surah Hud Ayahs #112 Translated in Khmer

រីឯពួកដែលត្រូវបានសុភមង្គលនោះ ពេលនោះស្ថិតនៅក្នុងសួគ៌ា ពួកគេ ស្ថិតនៅជាអនន្តកាលក្នុងសួគ៌ា ដរាបណាមេឃទាំងឡាយ និងភពផែនដីមាននៅ លើកលែងតែ អ្វីដែលម្ចាស់របស់អ្នកមានបំណងប្រាថ្នា។ គឺជាអំណោយមួយ ដែលមិនត្រូវបានកាត់ផ្តាច់

ដូច្នេះ ពួកអ្នកកុំមានក្នុងប្រការស្រពេចស្រពិលពីអ្វី ដែលពួកគេទាំងនោះបានប្រណិប័តន៍ ។ ពួកគេមិនប្រណិប័តន៍អ្វី ក្រៅពីដូចដែលជីដូនជីតារបស់គេប្រណិប័តន៍ពីមុនៗមកនោះឡើយ ។ ហើយការពិតណាស់ យើងជាអ្នកបំពេញជូនពួកគេនូវចំណែករបស់ពួកគេ ដោយមិនត្រូវខ្វះខាត ឡើយ

យើងបានផ្តល់យ៉ាងប្រាកដទៅកាន់មូសានូវគម្ពីរ រួចមកត្រូវបានខ្វែងគំនិតគ្នាក្នុង រឿងគម្ពីរនោះ ប្រសិនបើគ្មានសំដីណាមួយបានកន្លងផុតទៅពីម្ចាស់របស់អ្នកទេ ប្រាកដជាបាន គេសម្រេចរវាងពួកគេ។ ហើយពួកគេ ពិតជាស្ថិតនៅក្នុងការមន្ទិលសង្ស័យមួយ ស្តីពីគម្ពីរនោះ ថែមទាំងជាអ្នកស្ទាក់ស្ទើរ

ហើយជាការពិតណាស់គ្រប់ៗរូប សុទ្ធតែត្រូវបានម្ចាស់របស់ អ្នកនឹងបំពេញជូនពួកគេ នូវអំពើទាំងឡាយរបស់ពួកគេ។ ការពិតលោកជាអ្នកដែលមហាស្ទាត់ ដឹង នូវអ្វីដែលពួកគេប្រព្រឹត្ត

ដូច្នេះ ចូរអ្នកស្ថិតនៅត្រង់ភ្លឹង ដូចអ្វីដែលគេបានបញ្ជាអ្នក ព្រមទាំងអ្នកដែលបានសារភាពរួមជាមួយអ្នក ហើយចូរពួកអ្នកកុំប្រព្រឹត្តឧទ្ទាម។ ការពិតលោកជា អ្នកដែលឃើញបំផុតនូវអ្វីដែលពួកអ្នកបានប្រព្រឹត្ត