Surah Az-Zukhruf Ayahs #23 Translated in Khmer

ហើយពួកគេបាន ចាត់ទុកពួកម៉ាឡាអ៊ីកាត់ ដែលពួកគេជាទាសារបស់ម្ចាស់ ដ៏មហាសប្បុរសនោះជាបុត្រី។ តើ ពួកគេបានធ្វើសាក្សីចំពោះកំណើតពួកម៉ាឡាអ៊ីកាត់នោះឬ? គេនឹងកត់ត្រា នូវការធ្វើសាក្សី របស់ពួកគេ ហើយពួកគេនឹងត្រូវគេសួរ

ហើយពួកគេបានថា ប្រសិនបើអ្នកមហាសប្បុរស មានបំណងប្រាថ្នា ពួកយើងក៏មិនបានប្រណិប័តន៍ម៉ាឡាអ៊ីកាត់នេះដែរ ស្តីពីករណីនេះ ពួកគេ គ្មានចំណេះដឹងណាមួយទេ។ ពួកគេគ្មានអ្វីក្រៅពីការវាយស្មានឡើយ

ឬមួយយើងបាន ផ្តល់ទៅពួកគេ នួវគម្ពីរណាមួយ កាលពីមុនគម្ពីរនេះ រួចមក ពួកគេជាពួកអ្នកប្រកាន់ខ្ជាប់នឹង គម្ពីរនោះឬ?

ផ្ទុយទៅវិញ ពួកគេថា ការពិតពួកយើង បានជួបប្រទះជីដូនជីតាយើង នៅ លើផ្លូវសាសនាតែមួយ ហើយពួកយើងជាពួកត្រូវគេមគ្គុទ្ទេសលើលំអានៗពួកគេទាំងនោះ

ប្រៀបដូចនេះហើយ យើងមិនបានចាត់បញ្ជូននូវអ្នកព្រមានណាម្នាក់ កាលពីមុនអ្នកនៅក្នុង ភូមិដ្ឋានមួយ លើកលែងតែពួកដែលមានទ្រព្យធនជាងគេរបស់ភូមិនោះថា ការពិត ពួកយើង បានជួបប្រទះពួកជីដូនជីតាពួកយើង នៅលើផ្លូវសាសនាតែមួយ ហើយពួកយើងជាពួកអ្នក ត្រូវគេដឹកនាំនៅលើលំអានៗពួកគេទាំងនោះ