Surah At-Tawba Ayahs #67 Translated in Khmer

តើពួកគេមិន ទាន់ដឹងទេឬថា ជាការពិតណាស់ ជនណាប្រឆាំងនឹងអល់ឡោះ ព្រមទាំងរ៉សូល របស់លោក សំរាប់ជននោះ គឺពិតជានរកអវិចី ទាំងស្ថិតនៅជាអនន្តកាលក្នុង នរកនោះ។ ទាំងនេះ គឺភាពទុយ៌សដ៏ធំសម្បើម

ពួកពុតត្បុតកំពុងបារម្ភ ខ្លាចក្រែងគេនឹងដាក់ចុះទៅលើពួកគេ នូវអត្ថបទមួយដែលនឹងបកអាក្រាត នូវអ្វី ដែលមានក្នុងចិត្តទាំងឡាយរបស់ពួកគេ។ ថាទៅ ចូរពួកអ្នកពេបជ្រាយទៅចុះ! អល់ឡោះពិតជាអ្នកធ្វើឱ្យផុសចេញ នូវអ្វីដែលពួកអ្នកបានបារម្ភខ្លាចក្រែង

ហើយបើអ្នកបានសួរដេញដោលពួកគេ ពួកគេប្រាកដជានឹងឆ្លើយថា ការពិតពួក យើង គ្រាន់តែជាអ្នកធ្លាប់និយាយប៉ប៉ាច់ប៉ប៉ោច និងពួកយើងធ្លាប់តែលេងកំសាន្ត ប៉ុណ្ណោះ។ ថាទៅ តើពួកអ្នកធ្លាប់តែពេបជ្រាយដាក់អល់ឡោះ ដាក់អាយ៉ាត់ ទាំងឡាយរបស់លោក និងរ៉សូលរបស់លោកឬ?

ចូរពួកអ្នកកុំដោះសាឱ្យ សោះ ការពិតពួកអ្នកបានបោះបង់ជំនឿ បន្ទាប់ពីជំនឿរបស់ពួកអ្នករួច បើយើងនឹង លុបលាងកំហុស ពីក្រុមមួយនៃពួកអ្នក យើងប្រាកដជានឹងធ្វើទណ្ឌកម្មក្រុមមួយ ទៀត ដោយសារតែពួកគេជាពួកឧក្រិដ្ឋជនយ៉ាងប្រាកដ

ពួកបុរសពុតត្បុត និងនារីពុតត្បុត ភាគខ្លះរបស់ពួកគេនៃភាគខ្លះ បង្គាប់បញ្ជាគ្នាឱ្យប្រព្រឹត្តអំពើ ដែលគួរឱ្យស្អប់ខ្ពើម និងហាមឃាត់គ្នាពីប្រព្រឹត្តអំពើសមរម្យ ហើយពួកគេក្តាប់ដៃ របស់ពួកគេយ៉ាងណែន ពួកគេបានភ្លេចអល់ឡោះ ហើយអល់ឡោះក៏បានបំភ្លេច ពួកគេវិញដែរ ពួកពុតត្បុត គឺពិតជាពួកដែលខិលខូច