Surah At-Tawba Ayahs #17 Translated in Khmer

តើពួកអ្នកមិនប្រយុទ្ធនឹង ក្រុមពួកដែលបានបំពារបំពានសម្បថទាំងឡាយរបស់ពួកគេ ហើយពួកគេថែមទាំង មានឆន្ទៈប្រាថ្នានិរទេសរ៉សូល ហើយពេលនោះ ពួកគេផ្តើមប្រយុទ្ធជាមួយពួកអ្នក នូវគ្រាដំបូងនោះឬ? តើពួកអ្នកញញើតពួកគេទាំងនោះឬ? គឺអល់ឡោះទេ ដែល ចាំបាច់ពួកអ្នកត្រូវកោតខ្លាចលោក បើពួកអ្នកជាពួកដែលមានជំនឿពិតមែន

ចូរពួកអ្នកប្រយុទ្ធនឹងពួកគេចុះ អល់ឡោះប្រាកដជានឹងធ្វើទណ្ឌកម្មពួកគេដោយដៃ ទាំងឡាយរបស់ពួកអ្នក លោកប្រាកដជានឹងបង្អាប់បង្អោនពួកគេ ហើយលោកនឹង ជួយពួកអ្នកឱ្យឈ្នះលើពួកគេ ព្រមទាំងលោកនឹងកំចាត់បង់នូវជំងឺក្នុងទ្រូងទាំងឡាយ របស់ក្រុមមនុស្សជំនឿ

លោកប្រាកដជានឹងបំបាត់កំហឹងក្នុងចិត្តទាំងឡាយរបស់ ពួកគេ ហើយលោកនឹងទទួលយកវិប្បដិសារីចំពោះជនដែលលោកមានបំណងប្រាថ្នា។ អល់ឡោះ ជាអ្នកមហាគតិបណ្ឌិត

តើពួកអ្នកបាននឹកគិតថា គេនឹងបោះបង់ចោល ពួកអ្នកឬ ក្នុងខណៈដែលអល់ឡោះមិនទាន់កត់សំគាល់ពួកដែលបានតស៊ូក្នុងចំណោម ពួកអ្នក ហើយពួកគេក៏មិនទទួលយកធ្វើជាសម្ព័ន្ធមិត្តគាំពារដែរ ក្រៅពីអល់ឡោះ និង ក្រៅពីរ៉សូលរបស់លោក និងក្រៅពីពួកដែលមានជំនឿ? អល់ឡោះជាអ្នកដែលដឹងនូវ អ្វីដែលពួកអ្នកបានប្រព្រឹត្ត

ពួកដែលធ្វើស៊ីរិក ឥតមានសិទ្ធិនឹងធ្វើពិធីដែលមាន មនុស្សកុះករនូវបណ្តាម៉ាស្ជិទរបស់អល់ឡោះទេ ក្នុងករណីពួកគេ ជាអ្នកដែលសាក្សី តទល់លើខ្លួនរបស់ពួកគេផ្ទាល់ថា ដោយអជំនឿ ពួកគេទាំងនេះ អំពើទាំងឡាយរបស់ ពួកគេ បានរលាយសាបសូន្យ ហើយពួកគេស្ថិតជាអនន្តកាលក្នុងនរក