Surah At-Tawba Ayahs #20 Translated in Khmer

តើពួកអ្នកបាននឹកគិតថា គេនឹងបោះបង់ចោល ពួកអ្នកឬ ក្នុងខណៈដែលអល់ឡោះមិនទាន់កត់សំគាល់ពួកដែលបានតស៊ូក្នុងចំណោម ពួកអ្នក ហើយពួកគេក៏មិនទទួលយកធ្វើជាសម្ព័ន្ធមិត្តគាំពារដែរ ក្រៅពីអល់ឡោះ និង ក្រៅពីរ៉សូលរបស់លោក និងក្រៅពីពួកដែលមានជំនឿ? អល់ឡោះជាអ្នកដែលដឹងនូវ អ្វីដែលពួកអ្នកបានប្រព្រឹត្ត

ពួកដែលធ្វើស៊ីរិក ឥតមានសិទ្ធិនឹងធ្វើពិធីដែលមាន មនុស្សកុះករនូវបណ្តាម៉ាស្ជិទរបស់អល់ឡោះទេ ក្នុងករណីពួកគេ ជាអ្នកដែលសាក្សី តទល់លើខ្លួនរបស់ពួកគេផ្ទាល់ថា ដោយអជំនឿ ពួកគេទាំងនេះ អំពើទាំងឡាយរបស់ ពួកគេ បានរលាយសាបសូន្យ ហើយពួកគេស្ថិតជាអនន្តកាលក្នុងនរក

ការពិត នឹងធ្វើពិធីដែលមានមនុស្សកុះករ នូវបណ្តាម៉ាស្ជិទរបស់អល់ឡោះបាននោះ គឺមានតែ ជនដែលមានជំនឿនឹងអល់ឡោះ និងថ្ងៃចុងក្រោយ ហើយបញ្ឈរសឡាតិ៍ និងផ្តល់ ហ្សាកាតិ៍ ហើយឥតកោតខ្លាចឡើយក្រៅពីអល់ឡោះ។ ពួកគេទាំងនេះ សង្ឃឹមថា ពួកគេនឹងមានក្នុងចំណោមពួកដែលមានមគ្គុទេសន៍

តើពួកអ្នកបានចាត់ទុកអំពើ ផ្គត់ផ្គង់ទឹកដល់អ្នកហ័ជ្ជ និងការថែទាំម៉ាស្ជីទីលហារ៉ម ដូចគ្នានឹងជនដែលបានជឿលើ អល់ឡោះ ជឿថ្ងៃអវសាន និងបានតស៊ូក្នុងផ្លូវរបស់អល់ឡោះឬ? នៅឯអល់ឡោះ ពួកគេទាំងនោះមិនស្មើគ្នាទេ។ អល់ឡោះមិនមគ្គុទ្ទេសក្រុមមនុស្សដែលរំលោភបំពាន ឡើយ

ពួកដែលមានជំនឿ ហើយបានភៀសខ្លួន និងតស៊ូក្នុងផ្លូវរបស់អល់ឡោះ ដោយទ្រព្យធនទាំងឡាយរបស់ពួកគេ និងដោយខ្លួនប្រាណផ្ទាល់របស់ពួកគេនោះ គឺ ឋានៈខ្ពង់ខ្ពស់បំផុតនៅឯអល់ឡោះ ហើយពួកទាំងនេះ គឺជាពួកដែលជោគជ័យ