Surah At-Tawba Ayahs #128 Translated in Khmer

ហើយកាលណាគេបានដាក់ចុះនូវអត្ថបទមួយ ពេលនោះ ក្នុង ចំណោមពួកគេ មានអ្នកនិយាយថា តើអត្ថបទនេះបានកើនជំនឿដល់ជនណា ខ្លះក្នុងចំណោមពួកអ្នក។ ខណៈនោះ ពួកដែលបានជឿពិតអត្ថបទនោះ បាន ធ្វើឱ្យកើនជំនឿដល់ពួកគេ ហើយពួកគេកំពុងសប្បាយរីករាយ

រីឯពួក ដែលក្នុងចិត្តរបស់ពួកគេមានជំងឺវិញ ពេលនោះ អត្ថបទបានធ្វើឱ្យប្រឡាក់ ថែមលើភាពស្មោគគ្រោករបស់ពួកគេ ហើយពួកគេបានចូលមរណកាល ទាំងពួកគេជាពួកដែលអជំនឿ

តើពួកគេមិនឃើញទេឬថា ពួកគេ ពិតជាកំពុងត្រូវគេសាកល្បងក្នុងមួយឆ្នាំៗមានមួយដង ឬពីរដង បន្ទាប់មក ពួកគេនៅតែមិនមានវិប្បដិសារី ហើយពួកគេក៏នៅតែមិននឹកឃើញទៀត

ហើយកាលណាគេបានដាក់ចុះនូវអត្ថបទមួយ ភាគខ្លះនៃពួកគេ បានសង្កេតមើលទៅភាគខ្លះ តើមានអ្នកណាម្នាក់មើលឃើញពួកអ្នកទេ? រួចមក ពួកគេបានបែរងាកចេញទៅ។ អល់ឡោះក៏បានបំបែរចិត្តរបស់ ពួកគេដែរ ដោយសារមកពីពួកគេទាំងនោះ ពិតជាក្រុមមនុស្សដែលឥត យល់ដឹង

ជាការពិតណាស់ រ៉សូលម្នាក់មកពីខ្លួនពួកអ្នក បានទៅ ដល់ពួកអ្នកហើយ គាត់ត្រូវរងការលំបាកចិត្ត នូវអ្វីដែលពួកអ្នកបានរងការ សោកសង្រេង ជាអ្នកដែលចង់បំផុតឱ្យពួកអ្នកបានល្អ ចំពោះពួកអ្នកមាន ជំនឿ គាត់ជាអ្នកដែលអាណិតអាសូរបំផុត