Surah An-Nur Ayahs #57 Translated in Khmer

ហើយពួកគេបានស្បថស្បែនឹងអល់ឡោះ ដោយខ្លាំងក្លានៃពាក្យសម្បថរបស់ពួកគេ ប្រសិនបើអ្នកបានដាក់បញ្ជាទៅពួកគេ ពួកគេ ច្បាស់ជានឹងចេញទៅប្រយុទ្ធ។ ចូរថាទៅ ចូរពួកអ្នកកុំស្បថស្បែ ការគោរពប្រតិបត្តិ គឺជា អំពើគប្បីមួយ ។ អល់ឡោះពិតជាអ្នកដែលដឹងបំផុត នូវអ្វីដែលពួកអ្នកបានប្រព្រឹត្ត

ថាទៅ ចូរពួកអ្នកគោរពប្រតិបត្តិអល់ឡោះ ចូរពួកអ្នកគោរពប្រតិបត្តិរ៉សូល ប្រសិន បើពួកអ្នកបែរខ្នង ការពិតរ៉សូលត្រូវតែទទួលខុសត្រូវលើអ្វីដែលគេបានដាក់បន្ទុកឱ្យ គាត់ ហើយពួកអ្នកត្រូវទទួលខុសត្រូវ តែលើអ្វីដែលគេបានដាក់បន្ទុកឱ្យពួកអ្នកតែ ប៉ុណ្ណោះ។ ហើយប្រសិនបើពួកអ្នកគោរពប្រតិបត្តិលោក ពួកអ្នកនឹងទទួលបាន មគ្គុទ្ទេសន៍។ ហើយនៅលើរ៉សូល គ្មានអ្វីក្រៅពីការផ្តល់ដ៏ជាក់ច្បាស់នោះទេ

អល់ឡោះបានសន្យាចំពោះពួកដែលមាជំនឿ ក្នុងចំណោមពួកអ្នក និងពួកដែលបាន សាងអំពើកុសលទាំងឡាយថា លោកប្រាកដជានឹងផ្តល់ការសោយរាជស្នងទៅពួក គេនៅលើទឹកដី ដូចដែលលោកធ្លាប់បានផ្តល់ការសោយរាជស្នងទៅជំនាន់មុនៗពួក គេលោកប្រាកដជាបានពង្រឹងទៅកាន់ពួកគេនូវសាសនារបស់ពួកគេ ដែលលោកនឹង យល់ព្រមចំពោះពួកគេ ហើយលោកប្រាកដជានឹងប្តូរសន្តិភាពមួយឱ្យពួកគេ បន្ទាប់ពី ការខ្លាចរអារបស់ពួកគេ ពួកគេគោរពប្រណិប័តន៍យើង ពួកគេមិនស៊ីរិកនឹងយើង បន្តិចសោះឡើយ។ ហើយបន្ទាប់ពីនេះទៅជនណាដែលមិនបានជឿ ពួកគេទាំងនោះ គឺជាពួកខិលខូច

ហើយចូរពួកអ្នកបញ្ឈរសឡាត៍ ហើយចូរផ្តល់ហ្សាកាត៍ចូរគោរព ប្រតិបត្តិរ៉សូល ដើម្បីគេនឹងអាណិតអាសូរពួកអ្នក

ចូរអ្នកកុំគិតស្មានឱ្យសោះថា ពួកដែលមិនបានជឿនោះ គឺជាពួកដែលអាចបង្ក្រាបគេបាននៅលើទឹកដី។ ជម្រក របស់ពួកគេ គឺនរក ហើយជាទីកន្លែងត្រឡប់ដ៏អាក្រក់បំផុត