Surah An-Nur Ayahs #55 Translated in Khmer

ការពិតមានតែសំដី របស់ពួកអ្នកមានជំនឿទេ ដែលកាលណាគេបានអំពាវនាវពួកគេទៅកាន់អល់ឡោះ និង រ៉សូលរបស់លោក ដើម្បីនឹងវិនិច្ឆ័យរវាងពួកគេ ពួកគេនឹងថា ពួកយើងបានឮហើយ ពួក យើងគោរពតាមហើយ។ ពួកទាំងនេះ គឺជាពួកដែលជោគជ័យ

ហើយជនដែលគោរព ប្រតិបត្តិអល់ឡោះ និងរ៉សូលរបស់លោក ព្រមទាំងកោតខ្លាចអល់ឡោះ និងកោតគោរព លោក ពួកទាំងនេះ គឺជាពួកដែលជោគជ័យ

ហើយពួកគេបានស្បថស្បែនឹងអល់ឡោះ ដោយខ្លាំងក្លានៃពាក្យសម្បថរបស់ពួកគេ ប្រសិនបើអ្នកបានដាក់បញ្ជាទៅពួកគេ ពួកគេ ច្បាស់ជានឹងចេញទៅប្រយុទ្ធ។ ចូរថាទៅ ចូរពួកអ្នកកុំស្បថស្បែ ការគោរពប្រតិបត្តិ គឺជា អំពើគប្បីមួយ ។ អល់ឡោះពិតជាអ្នកដែលដឹងបំផុត នូវអ្វីដែលពួកអ្នកបានប្រព្រឹត្ត

ថាទៅ ចូរពួកអ្នកគោរពប្រតិបត្តិអល់ឡោះ ចូរពួកអ្នកគោរពប្រតិបត្តិរ៉សូល ប្រសិន បើពួកអ្នកបែរខ្នង ការពិតរ៉សូលត្រូវតែទទួលខុសត្រូវលើអ្វីដែលគេបានដាក់បន្ទុកឱ្យ គាត់ ហើយពួកអ្នកត្រូវទទួលខុសត្រូវ តែលើអ្វីដែលគេបានដាក់បន្ទុកឱ្យពួកអ្នកតែ ប៉ុណ្ណោះ។ ហើយប្រសិនបើពួកអ្នកគោរពប្រតិបត្តិលោក ពួកអ្នកនឹងទទួលបាន មគ្គុទ្ទេសន៍។ ហើយនៅលើរ៉សូល គ្មានអ្វីក្រៅពីការផ្តល់ដ៏ជាក់ច្បាស់នោះទេ

អល់ឡោះបានសន្យាចំពោះពួកដែលមាជំនឿ ក្នុងចំណោមពួកអ្នក និងពួកដែលបាន សាងអំពើកុសលទាំងឡាយថា លោកប្រាកដជានឹងផ្តល់ការសោយរាជស្នងទៅពួក គេនៅលើទឹកដី ដូចដែលលោកធ្លាប់បានផ្តល់ការសោយរាជស្នងទៅជំនាន់មុនៗពួក គេលោកប្រាកដជាបានពង្រឹងទៅកាន់ពួកគេនូវសាសនារបស់ពួកគេ ដែលលោកនឹង យល់ព្រមចំពោះពួកគេ ហើយលោកប្រាកដជានឹងប្តូរសន្តិភាពមួយឱ្យពួកគេ បន្ទាប់ពី ការខ្លាចរអារបស់ពួកគេ ពួកគេគោរពប្រណិប័តន៍យើង ពួកគេមិនស៊ីរិកនឹងយើង បន្តិចសោះឡើយ។ ហើយបន្ទាប់ពីនេះទៅជនណាដែលមិនបានជឿ ពួកគេទាំងនោះ គឺជាពួកខិលខូច