Surah An-Nur Ayahs #15 Translated in Khmer

ការពិតពួកដែលបាននាំមកនូវការនិយាយមួលបង្កាច់បង្ខូចគេនោះ គឺជាមនុស្សមួយក្រុម ក្នុង ចំណោមពួកអ្នក។ ចូរពួកអ្នកកុំគិតថា វាជាអកុសលសម្រាប់ពួកអ្នកឱ្យសោះ។ ផ្ទុយទៅវិញវាគឺ ជាកុសលសម្រាប់ពួកអ្នក។ បុគ្គលនីមួយៗក្នុងចំណោមពួកគេ ត្រូវបានបាបកម្មដែលខ្លួនបានខិតខំ ប្រឹងប្រែង។ រីឯអ្នកដែលបានទទួលគ្រប់គ្រងមួយចំណែកធំ នៃពាក្យមួលបង្កាច់នេះ ក្នុងចំណោម ពួកគេនឹងត្រូវទទួលទណ្ឌកម្មដ៏មហាអស្ចារ្យ

នៅពេលដែលពួកអ្នកបានឮពាក្យមួលបង្កាច់ នេះ ហេតុអ្វីបានជាពួកបុរសជំនឿ និងពួកនារីជំនឿមិនបាននឹកស្មានចំពោះខ្លួនពួកគេផ្ទាល់ថា ល្អ? ហើយពួកគេក៏មិនថា នេះគឺជាពាក្យមួលបង្កាច់បង្ខូចយ៉ាងច្បាស់លាស់

នៅលើការ មួលបង្កាច់នេះ ហេតុអ្វីបានជាពួកគេមិនបាននាំមកនូវបួនអ្នកជាសាក្សី? ដូចនេះ កាលណាពួក គេមិនផ្តល់ជូននូវសាក្សីៗទេ នៅឯអល់ឡោះ ពួកទាំងនោះហើយ គឺជាពួកដែលភូតកុហក

ប្រសិនបើគ្មានការុណភាពអល់ឡោះ និងក្តីអាណិតអាសូររបស់លោកទៅលើពួកអ្នកទេ ទាំងនៅ ក្នុងលោកិយ និងថ្ងៃអវសាននោះ ប្រាកដជាទណ្ឌកម្មមួយដ៏ធំសម្បើមបានប៉ះទៅពួកអ្នកនៅក្នុង អ្វីដែលពួកអ្នកបានលូកចូលទៅក្នុងរឿងនេះ

ក្នុងខណៈដែលពួកអ្នកទទួលពាក្យមួលបង្កាច់ នោះ ដោយអណ្តាតពួកអ្នក ហើយពួកអ្នកពោលដោយមាត់ពួកអ្នក នូវអ្វីដែលពួកអ្នកឥតមាន ដឹងសោះក្នុងរឿងនោះ ហើយពួកអ្នកគិតថា រឿងនោះជារឿងតូចតាច ការពិតរឿងនោះនៅឯ អល់ឡោះគឺធ្ងន់ធ្ងរបំផុត