Surah An-Nisa Ayahs #101 Translated in Khmer

ការពិតពួកដែលម៉ាឡាអ៊ីកាត់បានបញ្ចប់ជីវិតពួកគេ ទាំងពួកគេជាអ្នកប្រព្រឹត្តបាបកម្មចំពោះខ្លួនឯង ម៉ាឡាអ៊ីកាត់ថា តើពួកអ្នកស្ថិតក្នុងក្រុមអ្វី? ពួកគេថាពួកយើងជាអ្នកដែលទន់ខ្សោយបំផុតនៅលើដីនេះ។ ម៉ាឡាអ៊ីកាត់សួរថា តើដីអល់ឡោ់មិះនទូលាយទេឬដើម្បីពួកអ្នកនឹងភៀសខ្លួនទៅនោះ? ពួកទាំងនោះទីជ្រកកោនពួកគេគឺនរកជាទីវិលត្រលប់ដ៏អាក្រក់បំផុត

លើកលែងតែពួកទន់ខ្សោយក្នុងចំណោមពួកបុរស នារី និងកុមារ ដែលពួកគេគ្មានលទ្ធភាពរកមធ្យោបាយណាមួយ ហើយពួកគេក៏មិនដែលស្គាល់ផ្លូវដែរ

សំរាប់ពួកទាំងអស់នោះសង្ឃឹមថា អល់ឡោះនឹងអត់ឱនឱ្យពួកគេ។ ហើយអល់ឡោះជាអ្នកអត់ឱនប្រោសប្រណីបំផុត

ជនដែលភៀសខ្លួនក្នុងបុព្វហេតុមាគ៌ាអល់ឡោះ នឹងប្រទះនៅ លើដីមានទីកន្លែងភៀសខ្លួន និងអាហារជាច្រើន។ ជនណាដែលចេញពីផ្ទះគេដើម្បី ភៀសខ្លួនទៅកាន់អល់ឡោះ និងទៅកាន់រ៉សូលរបស់លោក ក្រោយមក សេចក្តី ស្លាប់មកដល់ជននោះ រង្វាន់ជននោះពិតជាត្រូវបានកំណត់លើអល់ឡោះ។ ហើយ អល់ឡោះគឺជាអ្នកដែលប្រោសប្រណី មេត្តាករុណាបំផុត

ហើយកាលណាពួកអ្នកបានធ្វើដំណើរនៅលើដីឺ ពួកអ្នកគ្មានទោសទេករណីនោះដែលពួកអ្នកបំព្រួញសឡាតិ៍ខ្លះ ហើយប្រសិនបើពួកអ្នកបារម្ភខ្លាចពួកដែលអជំនឿ ប្រព្រឹត្តហិង្សាទៅលើពួកអ្នក។ ការពិតពួកដែលអជំនឿ គឺជាសត្រូវយ៉ាងច្បាស់ចំពោះពួកអ្នក