Surah An-Nisa Ayahs #20 Translated in Khmer

មនុស្សពីរនាក់ក្នុងចំណោមពួកដែលបានប្រព្រឹត្តអំពើហ្សីណា ចូរពួកអ្នកដាក់ទោសគេទាំងពីរនាក់នោះ។ តែប្រសិនបើគេទាំងពីរនាក់នោះបានសោកស្តាយនិងកែប្រែ​ ចូរពួកអ្នកងាកចេញពីពូកគេទាំងនោះ។ ការពិតអល់ឡោះ ជាអ្នកដែលទទួលយកនូវការសោកស្តាយជាអ្នកមេត្តាករុណាបំផុត

ការសោកស្តាយដែលអល់ឡោះ ទទួលយកនោះគឺសម្រាប់តែពួកដែលបានប្រព្រឹត្តអំពើអាក្រក់ដោយល្ងង់ខ្លៅ ក្រោយមកពួកគេសោកស្តាយភ្លាម ពួកនោះហើយដែលអល់ឡោះទទួល យកការសោកស្តាយពីពួកគេ។ អល់ឡោះជាអ្នកដឹងបំផុតមហាគតិបណ្ឌិត

ពុំមែនការសោកស្តាយទេសម្រាប់ពួកដែលប្រព្រឹត្តអំពើអាក្រក់រហូតដល់សេចក្តីស្លាប់បានខិតមកដល់ជនម្នាក់នៃពួកគេ រួចគេនិយាយថាពេលនេះ យើងពិតជាសោកស្តាយមែន ហើយក៏ពុំមែនសម្រាប់ពពួកដែលស្លាប់ទាំងពួកគេជាអ្នកអជំនឿនោះទេ។ ពួកទាំងនេះហើយដែលយើងបានរៀបចំជូនពួកគេនូវទណ្ឌកម្មមួយយ៉ាងខ្លោចផ្សាបំផុត

ឱពួកដែលបានជឿ! មិនអនុញ្ញាតឱ្យពួកអ្នកយកមរតកពីពួកនារីដោយការបង្ខំ។ ហើយចូរពួកអ្នកកុំរារាំងពួកនាង ដើម្បីពួកអ្នកទាញនូវចំណែកខ្លះនៃអ្វីដែលពួកអ្នកបានប្រគល់ ជូនឱ្យទៅពួកនាងរួចហើយនោះ លើកលែងតែក្នុងករណីដែលពួកនាងបានប្រព្រឹត្តអំពើហ្ស៊ីណាដ៏ជាក់ស្តែង។ ហើយចូរពួកអ្នករួមរស់ជាមួយនឹងពួកនាងដោយសមរម្យ។ ប្រសិនបើពួកអ្នកស្អប់ពួកនាង ជួនកាលករណីដែលពួកអ្នកបានស្អប់អ្វីមួយ អល់ឡោះធ្វើឱ្យក្នុងនោះទៅជាល្អលើសលប់វិញ

ហើយប្រសិនបើពួកអ្នកចង់ប្តូរគូ(ថ្មី)ជំនួសគូ(ចាស់) ហើយពួកអ្នកបានប្រគល់ជូនទៅម្នាក់ៗនៃពួកនាងនូវទ្រព្យធនជាច្រើនរួចហើយ ចូរពួកអ្នកកុំយកមកវិញសូម្បីតែបន្តិចក្តី។ តើពួកអ្នកយកទ្រព្យនោះដោយបង្កាច់បង្ខូចនិងបាបកម្មដ៏ជាក់ស្តែងឬ?