Surah An-Nisa Ayahs #16 Translated in Khmer

សម្រាប់ពួកអ្នក (ជាប្តី)ត្រូវបានពាក់កណ្តាលនៃអ្វីដែលភរិយាពួកអ្នកបានបន្សល់ទុក ប្រសិនបើពួកនាងគ្មានកូន។ ប្រសិនបើពួកនាងមានកូន គឺពួកអ្នកត្រូវបានមួយភាគបួននៃអ្វីដែលពួកនាង បានបន្សល់ទុកបន្ទាប់ពីការផ្តាំផ្ញើ ដែលពួកនាងបានផ្តាំផ្ញើ និង សងបំណុល។ សម្រាប់ពួកនាងត្រូវបានមួយភាគបួននៃអ្វីដែលពួកអ្នក(ជាប្តី)បានបន្សល់ទុក ប្រសិនបើពួកអ្នកគ្មានកូន។ ប្រសិន បើពួកអ្នកមានកូន គឺពួកនាង(ជាភរិយា) ត្រូវបានមួយភាគប្រាំបីនៃអ្វីដែលពួកអ្នកបានបន្សល់ទុកនិងបន្ទាប់ពីការផ្តាំផ្ញើដែលពួក អ្នកបានផ្តាំផ្ញើនិងបំណុល។ ប្រសិនបើសពបុរសឬនារីដែលត្រូវ ទទួលមរតកនោះជាមនុស្សទោល (គ្មានមាតាបិតា ឬកូនចៅ) និងមានតែបងប្អូនប្រុសម្នាក់ឬស្ត្រីម្នាក់ (ម្តាយជាមួយគ្នា) គឺពួកគេម្នាក់ៗក្នុងចំណោមទាំងពីរនាក់ ត្រូវបានមួយភាគប្រាំមួយ ប៉ុន្តែប្រសិនបើពួកគេមានចំនួនច្រើនជាងនេះ ពួកគេនឹងត្រូវរួមចំណែកក្នុងមួយភាគបីបន្ទាប់ពីការផ្តាំផ្ញើដែលគេផ្តាំផ្ញើឬសងបំណុលដោយគ្មានឧបសគ្គ។ នេះជាអនុសាសន៍មួយពីអល់ឡោះ។ ហើយអល់ឡោះជាអ្នកដឹងបំផុត អត់ឱនបំផុត

នោះហើយជាកម្រិតរបស់អល់ឡោះ។ ជនដែលគោរពតាមអល់ឡោះ និង រ៉សូលរបស់លោក លោកនឹងបញ្ចូលជននោះទៅឋានសួគ៌ដែលមានទន្លេជាច្រើនហូរកាត់ពីក្រោមនោះ។ ដោយពួកគេនៅក្នុង នោះជាអមតៈ។ នេះហើយជាជោគជ័យដ៏ធំធេង

ជនណាមិនស្តាប់ឱវាទអល់ឡោះនិងរ៉សូលលោក ហើយរំលោភបំពានបទបញ្ជាលោក លោកនឹងបញ្ចូលជននោះទៅឋាននរកជាអមតៈ ក្នុងនោះហើយជននោះត្រូវទណ្ឌកម្មយ៉ាងខ្លោចផ្សាបំផុត

ពួកនារីដែលបានប្រព្រឹត្តអំពើហ្ស៊ីណា ក្នុងចំណោមនារីពួកអ្នកចូរពួកអ្នករកសាក្សីលើអំពើពួកនាងនូវបុរសបួននាក់ពីក្នុងចំណោមរបស់ពួកអ្នក។ ប្រសិនបើពួកគេបានធ្វើសាក្សីហើយ ចូរពួកអ្នកឃុំពួកនាងនៅក្នុងផ្ទះរហូតទាល់សេចក្តីស្លាប់មកបញ្ចប់ជីវិតរបស់ពួកនាងឬក៏រហូតទាល់តែអល់ឡោះបង្កើតផ្លូវចេញមួយឱ្យពួកនាង

មនុស្សពីរនាក់ក្នុងចំណោមពួកដែលបានប្រព្រឹត្តអំពើហ្សីណា ចូរពួកអ្នកដាក់ទោសគេទាំងពីរនាក់នោះ។ តែប្រសិនបើគេទាំងពីរនាក់នោះបានសោកស្តាយនិងកែប្រែ​ ចូរពួកអ្នកងាកចេញពីពូកគេទាំងនោះ។ ការពិតអល់ឡោះ ជាអ្នកដែលទទួលយកនូវការសោកស្តាយជាអ្នកមេត្តាករុណាបំផុត