Surah An-Naml Ayahs #51 Translated in Khmer

ពួកគេថា យើងកើតមានអពមង្គលដោយសារតែអ្នក និងដោយសារតែជន ដែលនៅជាមួយអ្នក។ សាឡេះថា អពមង្គលរបស់ពួកអ្នក គឺនៅឯអល់ឡោះ។ ផ្ទុយទៅវិញ ពួកអ្នកគឺជាពួកមនុស្សដែលត្រូវគេសាកល្បង

ហើយនៅឯទីក្រុង មានមនុស្សប្រាំបួន ក្រុមដែលពួកគេបំផ្លិចបំផ្លាញនៅលើដី ហើយពួកគេមិនកែសម្រួលឡើងវិញទេ

ពួកគេ បាននិយាយទៅកាន់គ្នាគេថា ចូរពួកអ្នកនាំគ្នាស្បថស្បែនឹងអល់ឡោះ។ យើងដាច់ខាតត្រូវ តែប្រហារទាំងយប់ ចំពោះសាឡេះ ព្រមទាំងគ្រួសាររបស់គេ ក្រោយមក ដាច់ខាតយើង ត្រូវតែនិយាយទៅកាន់សម្ព័ន្ធមិត្តរបស់គេថា ពួកយើងឥតមានវត្តមាននៅកន្លែងឃាតកម្ម គ្រួសាររបស់គេនោះទេ ហើយពួកយើងប្រាកដជាពួកអ្នកដែលនិយាយពិត

ពួកគេបាន ធ្វើកលល្បិច នូវការបោកបញ្ឆោតមួយ ឯយើងក៏បានធ្វើឧបាយតបតវិញ នូវយុទ្ធកោសល្យ មួយដែរ ក៏ប៉ុន្តែពួកគេនៅតែមិនទាន់ដឹងខ្លួនទៀត

ដូចនេះ ចូរអ្នកពិនិត្យមើលទៅថា លទ្ធផលនៃការបោកបញ្ឆោតរបស់ពួកគេ ត្រូវបានក្លាយទៅជាយ៉ាងណាដែរ? យើងពិតជា បានធ្វើឱ្យវិនាសហិនហោចដល់ពួកគេ ព្រមទាំងក្រុមមនុស្សរបស់ពួកគេទាំងអស់គ្នា