Surah An-Nahl Ayahs #62 Translated in Khmer

ហើយម្នាក់ៗក្នុងចំណោមពួកគេ កាលណាត្រូវ បានគេផ្តល់ការរីករាយដោយបុត្រីវិញ ទឹកមុខរបស់គេប្រែជាខ្មៅ ខណៈនោះគេជាអ្នកថប់ ដង្ហើម

គេលាក់ខ្លួនពីក្រុមមនុស្ស ដោយសារដំណឹងអាក្រក់ ដែលគេទទួលបាន (បុត្រី) តើគេត្រូវទុកវាទាំងទាបថោក ឬក៏គេត្រូវកប់វាទៅក្នុងដី?។ តាមពិតអាក្រក់ណាស់អ្វីដែល ពួកគេបានវិនិច្ឆ័យនោះ

ពួកដែលគ្មានជំនឿនឹងលោកខាងមុខ គឺមានគំរូអាក្រក់។ រីឯ អល់ឡោះ មានគំរូដ៏ឧត្តុង្គឧត្តម។ ហើយលោកជាអ្នកមានពលានុពល មហាគតិបណ្ឌិត

ហើយប្រសិនបើអល់ឡោះចាប់កំហុសមនុស្សលោកតាមអំពើបំពានរបស់ពួកគេក ពិតជាគ្មាន សត្វណាមួយក្បាលសេសសល់នៅលើដីនោះទេ ក៏ប៉ុន្តែលោកពន្យារឱ្យពួកគេឆ្ពោះទៅកាន់ កាលមួយដែលត្រូវគេកំណត់។ ដូច្នេះ កាលណាកាលកំណត់របស់ពួកគេបានមកដល់ហើយ ពួកគេនឹងមិនអាចសុំពន្យារមួយវិនាទី ហើយក៏មិនអាចសុំឱ្យដល់មុនបានដែរ

ហើយ ពួកគេចាត់ទុកថា អល់ឡោះមាននូវអ្វីដែលពួកគេស្អប់ខ្ពើម ហើយអណ្តាតរបស់ពួកគេរៀប រាប់ភូតកុហកថា ពួកគេពិតជាមានកុសល។ ឥតស្រពេចស្រពិលឡើយ គឺសម្រាប់ពួកគេ ពិត ជានរក ហើយពួកគេពិតជាត្រូវបានគេលែងចោល