Surah Al-Mumenoon Ayahs #27 Translated in Khmer

ហើយប្រាកដណាស់ យើងបានជ្រើសតាំងណូហ៍ឱ្យទៅកាន់ក្រុមមនុស្សរបស់គេ រួចគេ ថា ឱក្រុមមនុស្សរបស់យើង! ចូរពួកអ្នកប្រណិប័តន៍ទៅលើអល់ឡោះ ពួកអ្នកគ្មានម្ចាស់ណា មួយក្រៅពីលោកទេ ដូចនេះ តើពួកអ្នកមិនគោរពកោតខ្លាចទេឬ?

អ្នកមុខអ្នកការ ដែល មិនព្រមជឿ នៅក្នុងចំណោមក្រុមមនុស្សរបស់គេថា នេះពុំមែនអ្វីក្រៅពីជាមនុស្សដូចពួក អ្នក្ននោះទេ គេចង់បានឧត្តមភាពលើពួកអ្នក ហើយប្រសិនបើអល់ឡោះមានបំណងប្រាថ្នា មែននោះ លោកប្រាកដជាបានដាក់ចុះនូវពួកម៉ាឡាអ៊ីកាត់ រឿងនេះយើងពុំដែលបានឮទេពី ជីដូនជីតារបស់យើងដំបូងមក

គេគ្មានអ្វីក្រៅពីជាបុរសម្នាក់ដែលវិកលចរិត ដូចនេះ ចូរ ពួកអ្នកទន្ទឹងរង់ចាំរហូតដល់រយៈពេលមួយ

ណូហ៍ក៏បាននិយាយថា ឱម្ចាស់របស់ខ្ញុំ! សូម លោកមេត្តាជួយខ្ញុំផង ពីព្រោះពួកគេទាំងនោះបានមួលបង្កាច់ចំពោះខ្ញុំ

ដូចនេះយើង បានវ៉ាហ៊ីទៅកាន់គេថា ចូរអ្នកស្ថាបនានាវាដោយអាក់យុនរបស់យើង និងក្រោមវ៉ាហ៊ីរបស់ យើង។ រួចមក កាលណាកិច្ចបញ្ជារបស់យើងបានមកដល់ ឡ(ក្បាលទឹក)បានពុះខ្ជោលឡើង។ ដូចនេះ ចូរអ្នកបញ្ចូលទៅក្នុងនាវានោះ នូវប្រភេទនីមួយៗចំនួនមួយគូៗ ព្រមទាំងគ្រួសារ របស់អ្នក លើកលែងតែជនណាដែលសំដីយើងបានកន្លងផុតទៅលើជននោះ ក្នុងចំណោមពួក គេ ហើយចូរអ្នកកុំអង្វរកយើងឱ្យពួកអយុត្តិធម៌ទៀត ប្រាកដណាស់ពួកគេត្រូវគេពន្លិចពន្លង់