Surah Al-Mumenoon Ayahs #30 Translated in Khmer

ណូហ៍ក៏បាននិយាយថា ឱម្ចាស់របស់ខ្ញុំ! សូម លោកមេត្តាជួយខ្ញុំផង ពីព្រោះពួកគេទាំងនោះបានមួលបង្កាច់ចំពោះខ្ញុំ

ដូចនេះយើង បានវ៉ាហ៊ីទៅកាន់គេថា ចូរអ្នកស្ថាបនានាវាដោយអាក់យុនរបស់យើង និងក្រោមវ៉ាហ៊ីរបស់ យើង។ រួចមក កាលណាកិច្ចបញ្ជារបស់យើងបានមកដល់ ឡ(ក្បាលទឹក)បានពុះខ្ជោលឡើង។ ដូចនេះ ចូរអ្នកបញ្ចូលទៅក្នុងនាវានោះ នូវប្រភេទនីមួយៗចំនួនមួយគូៗ ព្រមទាំងគ្រួសារ របស់អ្នក លើកលែងតែជនណាដែលសំដីយើងបានកន្លងផុតទៅលើជននោះ ក្នុងចំណោមពួក គេ ហើយចូរអ្នកកុំអង្វរកយើងឱ្យពួកអយុត្តិធម៌ទៀត ប្រាកដណាស់ពួកគេត្រូវគេពន្លិចពន្លង់

ក្រោយមក កាលណាអ្នកព្រមទាំងជនដែលនៅជាមួយអ្នក បានទុកដាក់នៅលើនាវាហើយ ចូរ អ្នកពោលថា ការសរសើរសម្រាប់អល់ឡោះ ដែលបានសង្គ្រោះពួកយើងពីពួកដែលបំពាន

ហើយចូរអ្នកពោលទៀតថា ឱម្ចាស់ខ្ញុំ! សូមលោកមេត្តាដាក់ឱ្យខ្ញុំផង នូវទីចំណតមួយដ៏ប្រសិទ្ធិ ហើយលោកជាអ្នកផ្តល់ទីចំណតដ៍ល្អបំផុត

ការពិតនៅក្នុងព្រឹត្តិការណ៍នេះ ប្រាកដជាភស្តុតាង ជាច្រើន ហើយយើងពិតជាអ្នកដែលសាកល្បង