Surah Al-Maeda Ayahs #43 Translated in Khmer

ជនណាបានកើតសោកស្តាយ បន្ទាប់ពីកំហុសឆ្គងរបស់គេ ហើយបានកែប្រែឡើងវិញ អល់ឡោះពិតជានឹងទទួលយកនូវវិប្បដិសារីរបស់ជននោះ។ ការពិតអល់ឡោះជាអ្នកប្រោសប្រណី ជាអ្នកអាណិតអាសូរបំផុត

តើអ្នកមិនដឹងទេឬថា អល់ឡោះលោកពិតជាមានអំណាចឯមេឃនិងដី។ លោកនឹងធ្វើទោស អ្នកដែលលោកប្រាថ្នា ហើយលោកនឹងប្រោសប្រណីឱ្យជនដែលលោកប្រាថ្នា។ ហើយអល់ឡោះជាអ្នកមានមហិទ្ធិប្ញទ្ធិលើអ្វីៗទាំងអស់

ឱ រ៉សូល! ចូរកុំឱ្យសោកទុក្ខដល់អ្នក ដោយពួកដែលបានប្រជែងគ្នាយ៉ាង លឿនទៅកាន់ក្នុងការបាត់បង់ជំនឿពីក្នុងចំណោមពួកដែលបាននិយាយ ដោយបបូរមាត់ពួកគេថា យើងបានជឿហើយ តែចិត្តរបស់ពួកគេមិនទាន់ ជឿទេ និងពីក្នុងចំណោមពួកយ៉ាហ៊ូទ ដែលចូលចិត្តស្តាប់បំផុតចំពោះ ការភូតកុហក ចូលចិត្តស្តាប់បំផុតចំពោះក្រុមមនុស្សផ្សេងទៀតដែលពុំ ដែលមកដល់អ្នកសោះ។ ពួកគេបានបំប្លែងពាក្យសំដីទាំងឡាយចេញពី កន្លែងដើម។ ពួកគេថា បើរឿងនេះគេបានផ្តល់ឱ្យពួកអ្នក ចូរពួកអ្នក យកវាទៅ តែបើគេមិនទាន់ផ្តល់ឱ្យពួកអ្នកទេ ចូរពួកអ្នកប្រយ័ត្នខ្លួន! ជនណាដែលអល់ឡោះប្រាថ្នាសាកល្បងគេ អ្នកមិនអាចនឹងការពារគេ ពីអល់ឡោះបានសោះឡើយ។ ពួកទាំងនោះ គឺជាពួកដែលអល់ឡោះ គ?នាប្រាថ្នានឹងជម្រះសម្អាតចិត្តរបស់ពួកគេទេ។ ពួកគេនៅឯលោកិយ គឺអាប់យស ហើយពួកគេនៅឯបរលោក គឺទណ្ឌកម្មដ៏ធំក្រៃលែង

ជាពួកដែលចូលចិត្តស្តាប់បំផុតចំពោះការភូតកុហក ជាពួកអ្នកដែល ល្មោភស៊ីបំផុត ចំពោះប្រការខុសច្បាប់។ ហេតុនេះ បើសិនពួកគេបាន មកដល់អ្នក អ្នកត្រូវវិនិច្ឆ័យរវាងពួកគេ ឬអ្នកត្រូវងាកចេញពីពួកគេ។ បើអ្នកងាកចេញពីពួកគេ ក៍ពួកគេមិនអាចរំខានអ្វីដល់អ្នកដែរ។ តែបើ អ្នកបានវិនិច្ឆ័យ អ្នកត្រូវវិនិច្ឆ័យរវាងពួកគេដោយយុត្តិធម៌។ ការពិត អល់ឡោះស្រឡាញ់ពួកយុត្តិធម៌

តើធ្វើម្តេចទៅពួកគេនឹងសុំការ វិនិច្ឆ័យពីអ្នក? បើនៅឯពួកគេមានតាវរ៉ត ហើយក្នុងនោះក៏មានការ វិនិច្ឆ័យរបស់អល់ឡោះដែរ តែក្រោយមកក៏ត្រូវពួកគេបែរគេចចេញ បន្ទាប់ពីនោះដែរ។ ការពិតពួកគេទាំងនោះពុំមែនជាពួកមានជំនឿទេ