Surah Al-Isra Ayahs #19 Translated in Khmer

ជនណាបានទទួលការ ដឹកនាំ ជននោះពិតជាទទួលការដឹកនាំសម្រាប់តែខ្លួនគេផ្ទាល់តែប៉ុណ្ណោះ។ ហើយជនណាបាន រសាត់វង្វេង ជននោះពិតជារសាត់វង្វេងនៅលើខ្លួនគេផ្ទាល់ប៉ុណ្ណោះ។ ហើយអ្នករែកពុនម្នាក់ នឹងមិនអាចរែកពុននូវបន្ទុករបស់អ្នកផ្សេងបានឡើយ។ ហើយយើងក៏ពុំមែនជាអ្នកធ្វើទណ្ឌកម្ម ដែរ លុះត្រាតែយើងបានចាត់តាំងរ៉សូលម្នាក់សិន

ហើយកាលណាយើងមានបំណងនឹង បំផ្លាញភូមិករណាមួយ យើងបានបញ្ជាទៅអ្នកដែលហ៊ឹកហ៊ាក់របស់ភូមិនោះ រួចមក គេក៏បាន ប្រព្រឹត្តវឹកវរនៅក្នុងភូមិនោះ ពេលនោះសំដី (បណ្តាសារបស់យើង)ពិតជាបានត្រូវទៅលើភូមិ នោះ។ រួចយើងបំផ្លាញភូមិករនោះឱ្យខ្ទេចខ្ទី

ហើយអស់ប៉ុន្មានជំនាន់ទៅ បន្ទាប់ពីណូហ៍ មក ដែលយើងបានធ្វើឱ្យវិនាសសាបសូន្យ វាគ្រប់គ្រាន់ណាស់ហើយ ដោយម្ចាស់របស់អ្នក ជា អ្នកដែលចេះដឹង ជាអ្នកដែលឃើញបំផុត នូវបាបកម្មទាំងអស់របស់ពួកដែលគោរពលោក

ជនណាដែលមានបំណង(ជីវិតលោកិយ)ដែលឆាប់រហ័សនេះ យើងនឹងឱ្យឆាប់ដល់ទៅគេនៅ ក្នុងនោះ នូវអ្វីដែលយើងប្រាថ្នាសម្រាប់ជនដែលយើងប៉ងប្រាថ្នា ក្រោយមក យើងក៏បានចាត់ឱ្យ ជននោះនូវនរកឆាបឆេះ ដែលជននោះនឹងចូលទៅកាន់នរកនោះ ដោយត្រូវអាប់អោន ថែម ទាំងត្រូវគេបោះបង់

ហើយជនណាដែលមានបំណងថ្ងៃអវសាន ហើយបានប្រឹងប្រែង សម្រាប់ថ្ងៃនោះ នូវការប្រឹងប្រែងយ៉ាងខ្លាំងសម្រាប់ថ្ងៃនោះ ហើយជននោះជាអ្នកជឿទៀត។ ជនទាំងអស់នោះ ការប្រឹងប្រែងរបស់ពួកគេ ត្រូវគេដឹងគុណ