Surah Al-Isra Ayahs #16 Translated in Khmer

ហើយយើងបាន ចាត់ទុករាត្រីកាល និងទិវាកាលជាសញ្ញាពីរ។ រួចមកយើងបានលុប(ឱ្យងងឹត)សញ្ញារាត្រីកាល ហើយយើងបានចាត់សញ្ញាទិវាកាល ជាការភ្លឺច្បាស់មួយ ដើម្បីឱ្យពួកអ្នកស្វែងរកការអនុគ្រោះ មួយពីម្ចាស់របស់ពួកអ្នក និងដើម្បីពួកអ្នកចេះរាប់ចំនួនឆ្នាំ និងចេះគណនា។ ហើយអ្វីៗទាំងអស់ យើងបានបកស្រាយវាយ៉ាងលំអិត

ចំពោះមនុស្សម្នាក់ៗ យើងបានចងបន្តោងមនុស្សនោះ នូវវាសនាខ្លួននៅនឹងករបស់គេ។ ហើយយើងនឹងបញ្ចោញជូនមនុស្សនោះ នាថ្ងៃត្រូវងើបឡើង វិញ នូវបញ្ជីមួយដែលខ្លួនគេនឹងប្រទះវាលាតសន្ធឹង

ចូរអ្នកអានបញ្ជីរបស់អ្នកនាថ្ងៃនេះ វា គ្រប់គ្រាន់ហើយដោយខ្លួនអ្នក ជាគណនេយ្យករទៅលើអ្នកផ្ទាល់

ជនណាបានទទួលការ ដឹកនាំ ជននោះពិតជាទទួលការដឹកនាំសម្រាប់តែខ្លួនគេផ្ទាល់តែប៉ុណ្ណោះ។ ហើយជនណាបាន រសាត់វង្វេង ជននោះពិតជារសាត់វង្វេងនៅលើខ្លួនគេផ្ទាល់ប៉ុណ្ណោះ។ ហើយអ្នករែកពុនម្នាក់ នឹងមិនអាចរែកពុននូវបន្ទុករបស់អ្នកផ្សេងបានឡើយ។ ហើយយើងក៏ពុំមែនជាអ្នកធ្វើទណ្ឌកម្ម ដែរ លុះត្រាតែយើងបានចាត់តាំងរ៉សូលម្នាក់សិន

ហើយកាលណាយើងមានបំណងនឹង បំផ្លាញភូមិករណាមួយ យើងបានបញ្ជាទៅអ្នកដែលហ៊ឹកហ៊ាក់របស់ភូមិនោះ រួចមក គេក៏បាន ប្រព្រឹត្តវឹកវរនៅក្នុងភូមិនោះ ពេលនោះសំដី (បណ្តាសារបស់យើង)ពិតជាបានត្រូវទៅលើភូមិ នោះ។ រួចយើងបំផ្លាញភូមិករនោះឱ្យខ្ទេចខ្ទី