Surah Al-Hujraat Ayahs #14 Translated in Khmer

ការពិតពួកជំនឿ ជាបងប្អូន ដូចនេះ ចូរពួកអ្នកសំរុះសំរួលរវាងបងប្អូនពួកអ្នក ហើយចូរ ពួកអ្នកកោតខ្លាចអល់ឡោះ ដើម្បីពួកអ្នកនឹងត្រូវគេអាណិតអាសូរដល់ពួកអ្នក

ឱបណ្តា អ្នកដែលបានជឿ ចូរកុំឱ្យក្រុមមួយចំអករំជែដាក់ក្រុមមួយ ជួនកាលពួកគេគ្រាន់បើជាងពួក ទាំងនោះ ហើយចូរកុំឱ្យពួកនារីចំអករំជែដាក់ពួកនារីផ្សេងទៀត ជួនកាលពួកគេគ្រាន់បើជាង ពួកទាំងនោះ។ ហើយចូរពួកអ្នកកុំបន្តុះបង្អាប់ខ្លួនពួកអ្នក ហើយចូរពួកអ្នកកុំឱ្យនាមគ្នាទៅ វិញទៅមក ដោយនាមអាក្រក់។ នាមដ៏អាក្រក់បំផុតគឺ (ឱ្យនាមថា) ជនខូច បន្ទាប់ពីជំនឿ រួច។ ហើយជនដែលមិនកើតវិប្បដិសារី ពួកទាំងនោះហើយ គឺជាពួកដែលអយុត្តិធម៌

ឱបណ្តាអ្នកដែលបានជឿ ចូរពួកអ្នកចៀសវាងនូវភាគច្រើននៃការស្មាន។ ការពិតភាគខ្លះ នៃការស្មាន គឺបាបកម្ម។ ហើយចូរពួកអ្នកកុំតាមដានចង់ដឹង ហើយកុំឱ្យភាគខ្លះនៃពួកអ្នក និយាយដើមភាគខ្លះទៀត តើជនម្នាក់នៃពួកអ្នក ចូលចិត្តនឹងបរិភោគសាច់របស់បងប្អូនគេ ដែលមរណភាពនោះឬទេ? ពួកអ្នកពិតជាស្អប់ខ្ពើមវា។ ហើយចូរពួកអ្នកកោតខ្លាច អល់ឡោះ ជាការពិតណាស់ អល់ឡោះជាអ្នកទទួលវិប្បសារី ជាអ្នកអាណិតអាសូរបំផុត

ឱ មនុស្សម្នាទាំងឡាយ យើងពិតជាបានបង្កើតពួកអ្នកពីបុរសម្នាក់ និងនារីម្នាក់ ហើយយើង បានចាត់ចែងពួកអ្នកទៅជាជាតិសាសន៍ និងកុលសម្ព័ន្ធទាំងឡាយ ដើម្បីពួកអ្នកនឹងស្គាល់គ្នា ទៅវិញទៅមក។ ការពិត អភិជនដ៏ប្រសើរបំផុតនៃពួកអ្នកនៅឯអល់ឡោះ គឺអ្នកកោតខ្លាច បំផុតនៃពួកអ្នក។ ការពិត អល់ឡោះជាអ្នកដឹង ជាអ្នកជ្រាបបំផុត

ពួកអារ៉ាប់ជនបទថា ពួកយើងបានជឿហើយ។ ថាទៅ ពួកអ្នកមិនទាន់ជឿទេ ក៏ប៉ុន្តែចូរពួកអ្នកចេញវាចារថា ពួកយើងបានធ្វើតាមហើយ ហើយជំនឿ នៅមិនទាន់ចូលទៅក្នុងចិត្តថ្លើមរបស់ពួកអ្នកទេ។ ហើយប្រសិនបើពួកអ្នកគោរពប្រណិប័តន៍អល់ឡោះ និងរ៉សូលលោក លោកនឹងមិនកាត់ បន្ថយបន្តិចឡើយនៃអំពើទាំងឡាយរបស់ពួកអ្នក ការពិត អល់ឡោះជាអ្នកអភ័យទោសឱ្យ ជាអ្នកអាណិតអាសូរបំផុត