Surah Al-Hujraat Ayahs #16 Translated in Khmer

ឱបណ្តាអ្នកដែលបានជឿ ចូរពួកអ្នកចៀសវាងនូវភាគច្រើននៃការស្មាន។ ការពិតភាគខ្លះ នៃការស្មាន គឺបាបកម្ម។ ហើយចូរពួកអ្នកកុំតាមដានចង់ដឹង ហើយកុំឱ្យភាគខ្លះនៃពួកអ្នក និយាយដើមភាគខ្លះទៀត តើជនម្នាក់នៃពួកអ្នក ចូលចិត្តនឹងបរិភោគសាច់របស់បងប្អូនគេ ដែលមរណភាពនោះឬទេ? ពួកអ្នកពិតជាស្អប់ខ្ពើមវា។ ហើយចូរពួកអ្នកកោតខ្លាច អល់ឡោះ ជាការពិតណាស់ អល់ឡោះជាអ្នកទទួលវិប្បសារី ជាអ្នកអាណិតអាសូរបំផុត

ឱ មនុស្សម្នាទាំងឡាយ យើងពិតជាបានបង្កើតពួកអ្នកពីបុរសម្នាក់ និងនារីម្នាក់ ហើយយើង បានចាត់ចែងពួកអ្នកទៅជាជាតិសាសន៍ និងកុលសម្ព័ន្ធទាំងឡាយ ដើម្បីពួកអ្នកនឹងស្គាល់គ្នា ទៅវិញទៅមក។ ការពិត អភិជនដ៏ប្រសើរបំផុតនៃពួកអ្នកនៅឯអល់ឡោះ គឺអ្នកកោតខ្លាច បំផុតនៃពួកអ្នក។ ការពិត អល់ឡោះជាអ្នកដឹង ជាអ្នកជ្រាបបំផុត

ពួកអារ៉ាប់ជនបទថា ពួកយើងបានជឿហើយ។ ថាទៅ ពួកអ្នកមិនទាន់ជឿទេ ក៏ប៉ុន្តែចូរពួកអ្នកចេញវាចារថា ពួកយើងបានធ្វើតាមហើយ ហើយជំនឿ នៅមិនទាន់ចូលទៅក្នុងចិត្តថ្លើមរបស់ពួកអ្នកទេ។ ហើយប្រសិនបើពួកអ្នកគោរពប្រណិប័តន៍អល់ឡោះ និងរ៉សូលលោក លោកនឹងមិនកាត់ បន្ថយបន្តិចឡើយនៃអំពើទាំងឡាយរបស់ពួកអ្នក ការពិត អល់ឡោះជាអ្នកអភ័យទោសឱ្យ ជាអ្នកអាណិតអាសូរបំផុត

ការពិតពួកមានជំនឿដែលបានជឿនឹងអល់ឡោះ និងរ៉សូល លោក ក្រោយមកពួកគេមិនសង្ស័យឡើយ ហើយពួកគេបានប្រយុទ្ធដោយទ្រព្យធនរបស់ ពួកគេ និងខ្លួនប្រាណរបស់ពួកគេ ក្នុងមាគ៌ាអល់ឡោះ។ ពួកទាំងនេះជាពួកទៀងត្រង់

ថាទៅ តើពួកអ្នកនឹងបង្រៀនអល់ឡោះពីសាសនារបស់ពួកអ្នក? ក្នុងខណៈដែលអល់ឡោះ បានដឹងនូវអ្វីដែលនៅក្នុងមេឃទាំងឡាយ និងអ្វីដែលនៅក្នុងផែនដី។ ហើយអល់ឡោះជាអ្នក ចេះដឹងនូវរាល់វត្ថុទាំងអស់