Surah Al-Fath Ayahs #26 Translated in Khmer

ហើយប្រសិនបើពួកដែលគ្មានជំនឿបានប្រយុទ្ធនឹងពួកអ្នក ពួកគេទាំងនោះ ប្រាកដជាបានបែរខ្នង ក្រោយមក ពួកគេទាំងនោះនឹងមិនប្រទះនូវអ្នកគាំពារណាម្នាក់ ហើយ ក៏គ?នាអ្នកណាម្នាក់ជួយដែរ

ជាគន្លងរបស់អល់ឡោះ ដែលពិតជាកន្លងផុតកាលពីមុន មក។ ហើយចំពោះគន្លងរបស់អល់ឡោះ អ្នកនឹងមិនប្រទះនូវការផ្លាស់ប្តូរណាមួយឡើយ

ហើយលោកជាអ្នកដែលបានទប់ស្កាត់ ដៃទាំងឡាយរបស់ពួកគេអំពីពួកអ្នក ព្រមទាំង ដៃពួកអ្នកអំពីពួកគេនៅក្នុងដែនដីម៉ាកះ បន្ទាប់ពីលោកបានឱ្យពួកអ្នកជ័យជំនះ លើ ពួកគេ។ ហើយអល់ឡោះជាអ្នកឃើញបំផុតនូវអ្វីដែលពួកអ្នកប្រព្រឹត្ត

គឺពួកគេ ដែលគ្មានជំនឿ និងបានរំខានពួកអ្នកពីម៉ាស្ជីទីលហារ៉ម និងពីសត្វសំឡេះ (ហាត់យ៉ះ) ដែលនៅជាប់ចំណង អំពីការទៅដល់កន្លែងសំឡេះវា។ ប្រសិនបើគ្មានពួកបុរស ដែលជឿ និងពួកនារីដែលជឿទេ ពួកអ្នកមិនស្គាល់ពួកគេទេ ពីករណីដែលពួកអ្នកនឹង ជាន់ឈ្លីពួកគេនោះ ពេលនោះអំពើអកុសលមួយនឹងប៉ះត្រូវពួកអ្នក ដោយមិនដឹងខ្លួន ដោយសារពួកគេ។ ដើម្បីអល់ឡោះនឹងបញ្ចូលទៅក្នុង ក្តីអាណិតអាសូររបស់លោក ចំពោះជនដែលលោកប្រាថ្នា។ ប្រសិនបើពួកគេបានបែកខ្ញែកគ្នាស្រឡះនោះ បណ្តា ពួកដែលគ្មានជំនឿក្នុងចំណោមពួកគេ ប្រាកដជាត្រូវបានយើងធ្វើទណ្ឌកម្ម នូវទណ្ឌ កម្មមួយដ៏ខ្លោចផ្សាបំផុត

នៅពេលដែលពួកអជំនឿ បានដាក់ទុកទៅក្នុងចិត្ត ថ្លើមរបស់ពួកគេ នូវភាពឃោរឃៅ ជាភាពឃោរឃៅរបស់ពួកអវិជ្ជានិយម អល់ឡោះ ក៏បានដាក់ចុះនូវភាពស្ងប់ស្ងៀមរបស់លោក ទៅលើរ៉សូលលោក និងទៅលើពួកជន ជំនឿ ហើយលោកបានតម្រូវទៅពួកគេ នូវពាក្យគោរពកោតខ្លាចក្នុង ករណីដែល ពួកគេជាពួកសក្តិសមបំផុតនឹងពាក្យនោះ ហើយជាញាតិវង្សរបស់ពាក្យនោះទៀត ផង។ អល់ឡោះជាអ្នកដឹងបំផុត នូវវត្ថុសព្វសារពើ